Шәһри Казан

Транспортта йөрү бәяләре көндез арзанрак булачак

Россия Транспорт министрлыгы динамик тарифлар кертергә тели. Бу очракта пик сәгатьләрендә җәмәгать транспортында йөрү бәясе – кыйммәтрәк, көндез арзанрак булачак.

Бу хакта «Ведомости»га сылтама белән «Татар-информ» хәбәр итә.

Транспорт министрлыгы төбәкләргә җәмәгать транспортында тарифларны тәүлек дәвамында үзгәртүне рөхсәт итәргә тәкъдим итә. Метро, автобус һәм башка җәмәгать транспортында динамик тарифлар кертелергә мөмкин.

"Бу очракта пик сәгатьләрендә җәмәгать транспортында йөрү бәясе – кыйммәтрәк, көндез арзанрак булачак", - диелә хәбәрдә.

Реклама

Тарифларның көндез арзанрак булуы пенсионерларга, хуҗабикәләргә һәм сыгылмалы график нигезендә эшләүчеләргә акчаларын янга калдырырга мөмкинлек бирәчәк.

Федерация Советы каршындагы Гражданнар җәмгыяте институтлары белән хезмәттәшлек советы әгъзасы Евгений Корчаго сүзләренчә, пик сәгатендә Лондон җәмәгать транспортында йөрү бәясе - 8,40 (712 сумга якын), калган вакытта 7 фунт стерлинг (592 сум).

Әгәр моны Россия чынбарлыгына күчерсәң, Казанда көндез җәмәгать транспортында йөрү бәясе 25 сумнан 21 сумга калыр иде.

 

Нравится
Поделиться:
Реклама
Комментарии (0)
Осталось символов: