Шәһри Казан

Укытучыларга карата таләпләр дә, хезмәт хакы да арта

21 февраль көнне Әлмәт шәһәрендә Татарстан Республикасы мәгариф һәм фән министрлыгының коллегия утырышы булды. Чарада күтәрелгән төп темаларның берсе - укучыларны тәрбияләү стратегиясендә төп үсеш юнәлешләрен билгеләү.

Реклама

Утырышта яңгыраган чыгышлар шактый өлкәләрне колачлады. Аеруча дәрестән тыш эшчәнлеккә, ресурс үзәкләрен киңәйтүгә, өстәмә белем бирү мәсьәләләренә төп басым ясалды. Татарстан Мәгариф һәм фән министрының беренче урынбасары Андрей Поминов әлеге уңайдан соңгы елларда алып барылган стратегиянең уңай үзгәрешләр бирүен ассызыклады. Әле моннан берничә ел элек кенә мәктәпне тәмамлаучыларның 70 % югары уку йортларын сайлап, нибары 30 % гына һөнәри белем бирү учреждениеләренә укырга керсә, бүген бу күрсәткечләр инде 50 гә 50 не тәшкил итә.

Укучының киләчәген формалаштыруда мөһим роль уйнаган һөнәр сайлауда «Юл карталары» булдыру да бу юнәлештә чынбарлыкны ачыкларга ярдәм иткән.
Моннан тыш, утырышта укытучыларның хезмәт хаклары хакында да сүз барды. Энгель Фәттахов аны якын киләчәктә илдәге мөгаллимнәрнең уртача хезмәт хаклары белән тигезләргә кирәклеген белдерде.
Укучыларны тәрбияләүдә үсеш юнәлешләрен билгеләү дигәндә, сыйныф җитәкчеләре турында да онытмаска кирәк. Якын киләчәктә бу юнәлештә ныклы үзгәрешләр булыр дип көтелә. Иң элек алар өчен махсус ташламалар, бәйгеләр, грантлар булдыру күздә тотыла.

Әлмәттә барган эшчәнлек белән министр канәгать калды.
- Заманча белем һәм тәрбия бирү турында сүз алып барабыз икән, иң элек һөнәри юнәлеш, балаларга өстәмә белем бирү кебек төшенчәләргә игътибарны арттырырга тиешбез. XXI гасыр таләпләренә туры килердәй, әхлакый яктан нык, сәләтле һәм Ватанын сакларга әзер булган шәхес үстерү балаларга белем һәм тәрбия бирүдә өстенлекле юнәлеш булып тора. Мәктәпләр исә бу очракта иң гуманлы тәрбия бирү системасын формалаштыра, - диде Татарстан республикасының Премьер-министры урынбасары, Мәгариф һәм фән министры Энгель Фәттахов.
Коллегия ахырында алдагы елларга бурычлар билгеләнде.



Фото: almet-rt.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    346
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    460
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    831
    0
    2