Шәһри Казан

Узган елны Казан Кремлендә 2 миллионнан артык кеше булган

Татарстанның Туристлык буенча дәүләт комитеты коллегиясенең 2015 елдагы эшенә нәтиҗәләр ясау һәм 2016 елга бурычлар билгеләүгә багышланган утырышында комитет җитәкчесе Сергей Иванов хәбәр иткәнчә, республика Россия төбәкләре арасында туризм өлкәсендә иң алга киткән төбәкләрнең берсе санала. Ел саен туристлар агымы уртача 12,1 процентка арта.


- Узган елны туризм өлкәсендә күрсәтелгән хезмәтләрнең күләме 10535,6 миллион сумны тәшкил итте. Туризмнан крегән керем 7,9 миллиард сумга җитте, - дип ассызыклады комитет җитәкчесе.

Татарсанга иң күбе Төркия (14968), Кытай (6343), Германия (6191), АКШ (2750), Франциядән (2264) киләләр. Туристлар арасында Казан Кремле популяр булып кала бирә. Анда узган елны 2 107 225 кеше булган. Болгарда 349 765, Зөядә 261 418 кешене кабул иткәннәр.

Реклама

Фото: fresher.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: