Шәһри Казан

Узышлар үтте, чаңгы калды

Казанда 18 февральдә «Россия чаңгы юллары - 2017» чаңгыда массакүләм узышларында 20 меңнән артык кеше катнашты.

Реклама

Юдино бистәсендәге «Локомотив» стадионында респуб­лика премьер-министры урынбасары Васыйл Шәйхразиев казанлыларны Татарстан Президенты исеменнән спорт бәйрәме белән котлады. Республикада 11 февральдә «Россия чаңгы юллары» шигаре астында үткәрелгән узышларда 170 мең кеше катнашканлыгын әйтеп үтте ул.

- Башкалада узган шимбәдә 20 меңнән артык кеше стартка басты. Иң өлкән чаңгычы Петр Яльдиряковка - 91, ә иң яшь Есения Дуженковага биш кенә яшь иде, - дип хәбәр итте шәһәр башкарма комитетының физкультура һәм спорт комитеты җитәкчесе Светлана Вострикова кичә «эшлекле дүшәмбе» киңәшмәсендә.

Казанда 3-10 километрга узыш­ларда Арина Лисина, Илья Куницын, Артем Николаев, Елена Горохова беренчелеккә ирештеләр. VIP узышларда Татарстан вәкилләреннән ир-атлар арасында 2017 метрга узышта җиңүне Министрлар кабинетының аппарат җитәкчесе урынбасары - эшләр идарәче­се Сергей Коростылев яулады. Татарстан буенча Эчке эшләр министрлыгының ЮХИДИ идарәсе җитәкчесе Ленар Габдерахманов - икенче, «Юл хәрәкәте иминлеге» дәүләт бюджет учреждениесе директоры Рифкать Миңнеханов ­өченче булды. Хатын-кызлар арасында мәдәният институты проректоры Роза Әхмәдиевага тиңнәр табылмады. Икенче - «Мәҗбүри медицина иминиятенең территориаль фонды» дәүләт учреждениесе директоры Алсу Мифтахова, өченче - Татарстан Президенты аппаратының бүлек җитәкчесе Резеда Сабирова.

Казан җитәкчеләре арасында беренче - энергоуниверситет ректоры Эдвард Абдуллаҗанов. Шәһәр башкарма комитеты җитәкчесе урынбасары Дамир Фәттахов - икенче, ә медицина университеты ректоры Алексей Созинов өченче булып финишка килде. Хатын-кызлардан шәһәр башкарма комитетының туристлыкны үстерүгә теләктәшлек комитеты рәисе Дарья Санникова иң яхшы күрсәткечкә иреште.

Башкала мэры Илсур Метшин, чаңгы узышлары тәмамланса да, чаңгыларны онытмаска чакырды.
- Киров районындагы 3нче гимназия янында модульле чаңгы базасы төзеләчәк. «Локомотив» стадионында чаңгы трассасы ясалачак, - диде Илсур Метшин.

Нравится
Поделиться:
Реклама
Комментарии (0)
Реклама
  • 16 декабря 2017 в 19:34
    "Татар җыры"нда Хәния Фәрхине искә алдылар
  • Физик мөмкинлекләре чикләнгән балалар фестивале
  • «Татар җыры - 2017»
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • 10 декабря 2017 в 10:00
    Герой әби Әминә әби Шәфигуллина – «Элекон» заводы тарихында иң беренче Социалистик Хезмәт Герое исемен алган кеше. Аңа кадәр Татарстанда бу югары бүләккә унҗиде кеше генә ия булган, ул – унсигезенчесе һәм иң гаҗәбе – Герой исемен Әминә әби 36 яшендә үк алган.
    188
    0
    0
  • 10 декабря 2017 в 11:11
    Ялт-йолт килеп торсын өчен Хатын-кызларның күбесе ир-атларга аяк киеменең нинди булуына карап бәя бирә. Пычрак яки тузан кунган ботинка кигән ир затына хатын-кыз борын чөереп кенә карый. Кибеттән сатып кына алган вакытта бөтен аяк киеме дә матур булып ялтырап тора. Тора-бара тоныклана, беренчел матурлыгын югалта. Аяк киемен бакслап ялтыратуның да серләре бар.
    159
    0
    0