Шәһри Казан

Вакцина ясаткан өлкәннәргә 10 мең сум бирә башлыйлар

Җитәкчелек шундый карарга килгән.

“Сәламәтлек турында кайгыртып” бүләк җыелмалары урынына пенсионерлар 10 мең сум күләмендә компенсация ала алачак. Мәскәү мэры Сергей Собянин шундый карар кабул иткән.
23 июньнән 31 декабрьгә кадәр, 65 яшьтән өлкәнрәк кешеләр өчен Мәскәүдә акция бара. Алар 31 декабрьгә кадәр коронавируска каршы вакцинаның беренче өлешен, ә аннан соң икенчесен дә кадаткан очракта, “Сәламәтлек турында кайгыртып” бүләгенә ия булырга хокуклы. Бу җыелмага кешегә сәламәтлеген ныгытырга ярдәм итә торган әйберләр салынган. Вакцинация башланганнан алып, җыелмаларны 240 меңнән артык мәскәүле алган.

Реклама

Хәзер җыелманы 10 мең сум акчага алмаштырырга мөмкин булачак. Моның өчен Мәскәүнең теләсә кайсы социаль ярдәм күрсәтү үзәгенә мөрәҗәгать итү дә җитә, дип яза “РИА Новсоти”.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: