Шәһри Казан

Владимир Путин: «Сезгә эш җитәрлек»

Россия Президенты Владимир Путинның бу юлы Казанга эшлекле сәфәренең программасы күп төрле, мөһим вакыйгаларга бай булды. Татарстан икътисады федераль югарылыктан бәяләнде.

ТУ-160Мның граждан версиясе кирәк

Истәлекле вакыйгаларның берсе – Владимир Путин Горбунов исемендәге Казан авиация заводында җитештерелгән, яңартылган ТУ-160М бомбардировщигының беренче очышын күзәтте. Җирдән 300 метр биеклектә җиде минут очыш вакытында ил башлыгы очкычның мөмкинлекләрен ачыкларга, нәтиҗә ясарга, «моның бөтенләй башка машина» икәнен аңларга өлгерде. «Тышкы яктан караганда шул ук кебек, әмма двигатель, куәт бөтенләй башка. Бу – коллективның зур уңышы», – дип мактады ул очкычны. Тавыш тизлегеннән дә җитезрәк оча торган стратегик бомбага тотучы, «Аккош» буларак таныш очкыч, финанс кыенлыклары белән бәйле рәвештә, җитештерүдән туктатылган иде. 20 елдан артык вакыт узгач, Казан авиация заводында ТУ-160Мны торгызу проекты тәкъдим ителде. Совет чорыннан соң авиасәнәгать тарихында бу иң масштаблы, тиңсез проект булгандыр. «Билет бәясе илдәге уртача хезмәт хакына ярашмаганга гына, ТУ-144 җитештерелми башлаган иде, хәзер вазгыять башка. Бу самолетны кулланырга мөмкинлеге булган зур компанияләр бар», – дип искәртте Владимир Путин. Ул ТУ-160ның гражданнар өчен яраклаштырылган версиясен дә эшләргә кушты. Үзәк матбугатта басылган аңлатмаларына караганда, Россия Федерациясе вице-премьеры Дмитрий Рогозин әйтүенчә, иң мөһиме: Казан авиация заводында самолет канатының үзәк өлешен җыю оештырылган, көчле конструктор бюросы да булдырылган. ТУ-160 очкычының хәрби, граждан версиясе төзелешендә кулланылган алымнар рентабельлекне арттырырга ярдәм итәчәк.

Куанычлы яңалык – Владимир Путин Казан авиация заводында берсе 15 миллиард сумнан артык бәяләнгән 10 очкыч җитештереләчәге турында хәбәр итте. «2027 елга кадәр завод тулысынча мәшгуль булачак. Сезгә эш җитәрлек», – диде Президент. Бу, үз чиратында, яңа кадрлар да таләп итәчәк. Татарстанның сәнәгать һәм сәүдә министры Альберт Кәримов сүзләренчә, очкыч җитештерү өлкәсенә тагын 2 меңләп хезмәткәрне җәлеп итәргә җыеналар.

Реклама

Евро-5 – кичәге көн

Татарстан икътисады өчен тагын бер уңышлы проект – Түбән Камада «Татнефть» ТАНЕКО комплексы нафтаны гидро чистарту һәм җиңел нафтаны изомерацияләү җайланмаларын эшләтеп җибәрде. Владимир Путин белән Рөстәм Миңнеханов та видеоконференция режимында бу чарада катнаштылар. «Татнефть» җәмгыятенең генераль директоры Наил Маганов әйтүенчә, әлеге иң зур федераль проект нефть эшкәртүне тагын да сыйфатлырак итәчәк. Бу җайланманы әзерләгәндә, төзелеш мәйданчыгында 10 меңгә якын кеше эшләгән чаклар да булган. Проектка компания 307 миллиард сум инвестиция җәлеп иткән. Проектны гамәлгә ашыруда 2 меңнән артык Россия компаниясе катнашкан. ТАНЕКО проекты 2023 елга кадәр исәпләнгән.
 
Бу юлы куллануга тапшырылган җайланма компаниягә яңа дәрәҗәгә күтәрелергә, дөнья базарында үз урынын булдырырга ярдәм итәчәк.
Россиядә эшләгән күп нефть эшкәртү комплекслары югары стандартларга туры килгән сыйфатлы продукция алу өчен чималны кат-кат эшкәртергә мәҗбүр, бу җайланма исә эшне тизләтә. ТАНЕКОның эшкәртү тирәнлеге 99 процентка җитә. Югары октантлы экологик яктан чиста компонент автомобильләр өчен бензин җитештерүдә файдаланылачак. Наил Маганов Евро-5 стандартларын кичәге көн дип саный. Алар инде Евро-6 ягулыгын да эшләргә әзер. Бу стандартларга норма кертүне, рөхсәт кенә көтәләр.

Владимир Путин исә, проектны эшләүдә өлеше кергән һәр хезмәткәргә, инженерларга, проектлаучыларга, «Татнефть» җәмгыяте директорына мөрәҗәгать итеп: «Бу чынлап та зур эш, искиткеч нәтиҗә. Уңышлар сезгә!» – дип, рәхмәт сүзләрен җиткерде.

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 21 апрель 2018 - 08:56
    Янгын чыга калса, ничек исән калырга?
    Кемеровода булган фаҗигадән соң күпләр яшәеш мәгънәсе турында уйлана, ваемсызлыктан арынып, тормышы иминлеге турында кайгырта башлады. Безнең өчен бу бер гыйбрәт булды.
    90
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13273
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1057
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    479
    0
    0
Ночной режим