Шәһри Казан

Әй әби, янасың бит!

Биектау районындагы Чернышевка авылында ялгызы гына яшәүче бер әбинең өй эче җиде төн уртасында яна башлый. Бичара әби, берни сизенмичә, тәмләп йоклавын белә...

Йөрәгегезгә авыр алмагыз, әби исән.
– Янгын хәбәре аппараты «чыелдавын» ишетеп, күршеләре йөгереп кергән, – диде Татарстанның янгын күзәтчелеге буенча баш дәүләт инспекторы урынбасары Максим Трущин «Татар-информ» мәгълүмат агентлыгында узган матбугат конференциясендә.

– Өч һәм аннан күбрәк катлы йортлар төзегәндә, фатирларга янгын хәбәре аппараты куела башлады. Бу таләп 2001 елдан кертелде. Кайбер кешеләр, фатирларына ремонт ясаганда, аппаратны алып ташлый, яңа батарея куймый. Мондый битарафлык бик кыйммәткә төшәргә мөмкин. Янгын хәбәре аппараты – 250-280 сум, батареясы бер елга кадәр җитә, өйләрегезне шушы аппарат белән җиһазландырыгыз. Сүзем реклама түгел, ә фаҗигаләрне булдырмаска теләү, – дип киңәш итте Максим Трущин.

Татарстан Президенты Рөстәм Миңнеханов теләктәшлегендә, күп балалы гаиләләр, ялгыз яшәүче өлкәннәр өйләренә янгын хәбәре аппараты бушлай да урнаштырыла. Социаль программа кысаларында инде 17 082 аппарат куелган.

Республикада узган елның 1 декабреннән 2018 елның 1 февраленә кадәрге вакыт аралыгында 442 янгын очрагы теркәлгән. Аларда 38 кеше үлгән, 46 кеше төрле дәрәҗәдә тән пешүләре алган. Шәхси йортларда 136 янгын чыккан.

Реклама

Куен дәфтәренә

Бер розеткага яки озынайткычка берничә аппарат тоташтырмагыз.
Электр җылыткычларын сәгатьләр дәвамында эшләтмәгез, аларның заводта ясалганын гына кулланыгыз.

Кирпеч яки тимер мичләрне фәкать таш-кирпеч нигезгә (фундамент) урнаштырыгыз, төтен чыккан ярыклар сизелсен өчен мичне акшарлагыз.
Биш литрга кадәрге сыешлыктагы газ баллоннарын гына өй эчендә кулланырга ярый, зуррак сыешлыктагылар тышкы якта торырга тиеш.
Газ җиһазларын үз белдегеңдә төзәтү катгый тыела, белгеч чакыртыгыз.
Өйдә яки бинада газ исе сизелсә, шырпы сызмагыз, электр утларын кабызмагыз.

Белеп тор

Янгын сүндерү хезмәте телефоны – 01, кәрәзле телефоннан җыйганда – 101.

Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • VI Республика ифтарыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
Соңгы комментарийлар
Интервью
  • 27 май 2018 - 11:42
    Бакча җиләген ничек туендырырга? 1 стакан көлгә 1-2 литр кайнар су салып суытырга. Шуңа 2 гр марганцовка, 2 гр бор кислотасы, 1 аш кашыгы йод өстәп, яфраклар чыланганчы сибәргә.
    48
    0
    1
Ночной режим