Шәһри Казан

Ярминкә – бизнес түгел

Татарстанда 5 сентябрьдә беренче көзге авыл хуҗалгы ярминкәләре үтте. Ярминкәләргә барлыгы 47 милллион сумлык продукция китерелгән.

Продукцияне Татарстан Авыл хуҗалыгы һәм азык-төлек министрлыгы билгеләгән бәядән сатканнар. Гадәттә, мондый ярминкәләрдә азык-төлек бәяләре, башка көннәр белән, кибетләр белән чагыштырганда, 15-20 процентка арзанрак.
Татарстан авыл хуҗалыгы һәм азык-төлек министры Марат Әхмәтов:

- Ярминкәләрнең төп өстенлеге дә шунда - халык җирле товар җитештерүчеләрдән сыйфатлы азык-төлекне арзан бәядән сатып ала. Әлбәттә, продукцияне үзкыйммәтеннән, кайвакытта аннан да арзанрак бәягә сату авыл хуҗылыгы товарлары җитештерүчеләренә, крестьян-фермерлык хуҗалыкларына, ярдәмче хосусый хуҗалыкларга табыш китерми. Әмма бу бизнес түгел, - шактый зур ихтыяҗга ия социаль проект", - ди.

Реклама

Ярминкәләрдә катнашучыларга дәүләт тарафыннан ярдәм күрсәтелә. Продукт сатучы хуҗалыкларның транспорт чыгымнары каплана. Быел бу максатларда республика бюджетыннан яз көне 13,5 миллион сум акча бүлеп бирелгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: