Шәһри Казан

Яшел Үзән больницасындагы янгында өч кеше һәлак була

Хәзерге вакытта ике кеше төтен белән агуланып, бер кеше тәне пешеп реанимациядә ята.

Яшел Үзән район хастаханәсенең йөрәк-кан тамырлары авырулары бүлегендә чыккан янгында өч кеше һәлак булган. Янгын турында хәбәр кичә 22.15 сәгатьтә 112 номерына килеп ирешкән.

Янгын урынына 53нче янгын сүндерү часте янгын сүндерүчеләре килеп җиткән. 22.31 минутта янгынны сүндергәннәр. Аның мәйданы өч квадрат метр тәшкил иткән.

10 минуттан янгын сүндерүчеләр ике кешенең гәүдәсен тапкан. Тагын ике кеше пешкән. Соңыннан шуларның берсенең һәлак булуы турында хәбәр килеп иреште. Бинадан 88 кеше эвакуацияләнгән булган.

Реклама

Янгын сәбәпләре ачыклана. Трагедия урынына ТР сәламәтлек саклау министры Марат Садыйков килеп җиткән. Министрлык хәбәр итүенчә, янгын ясалма сулыш алдыру аппараты белән бәйле түгел.

Хәзерге вакытта ике кеше төтен белән агуланып, бер кеше тәне пешеп реанимациядә ята.

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: