Шәһри Казан

Язга «Имәнлек» станциясенә кадәр метро йөри башлаячак

Җәмәгать транспорты паркын яңарту, транспорт челтәре эшен камилләштерү – Россия Президенты тарафыннан билгеләгән бурычлар.

Президент җәмәгать транспортын расписание буенча төгәл һәм тиз хәрәкәтләнүчән, һәркем өчен мөмкинлекле тармакка әверелдерергә күрсәтмә бирде. Ил башлыгы йөкләмәсе нигезендә, җәмәгать транспортын табигый газга күчерү буенча колачлы программа гамәлгә ашырыла.

“Җәмәгать транспортының массакүләмлелеге, зур социаль әһәмияте пассажирлар йөртүгә югары таләпләр куюга этәрә. Бу – маршрутлар челтәре белән киң итеп колачлау, элемтәләрнең ышанычлылыгы һәм, әлбәттә, күрсәтелгән хезмәтләрнең иминлеге һәм сыйфаты. Барлык җирләрдә дә автобусларны, троллейбусларны, трамвайларны яңартуга омтылыш тудырырга, транспорт паркын камилләштерүдә дәүләт ярдәменең нәтиҗәле механизмнарын табарга кирәк”, – дигән иде Президент.

Казанның “Метроэлектротранс” муниципаль унитар предприятиесе генераль директоры Әсфән Галәвов 13 февральдә “Татар-информ” мәгълүмат агентлыгында узган матбугат конференциясендә үзләренең 2 мең 475 кешеле коллективларының хезмәте Россия Президенты куйган бурычларны гамәлгә ашыруга юнәлтелгәнлеген нигезләп-дәлилләп сөйләде.

– Беренче чиратта Татарстан Президенты Рөстәм Миңнеханов белән Казан мэры Илсур Метшинга рәхмәт! Аларның теләктәшлегендә узган ел яңа 10 трамвай һәм 15 троллейбус сатып алынды, – диде Әсфән Галәвов.

Башкаланың электр транспорты хәзер 14 метро поездыннан, 96 трамвайдан һәм 201 троллейбустан гыйбарәт. Шушы "электрлы атлар” пассажирларның 74,6 процентын йөртә. Казан метросыннан көн саен 92 мең кеше файдалана.

– “Казан-1” тимер юл вокзалы белән “Кояшлы шәһәр” торак комплексы арасында хәрәкәтләнә торган 5нче трамвайда көн саен 27 мең кеше йөри. Бу маршрут “Кояшлы шәһәр” торак комплексы буенча тагын 900 метрга ягъни ике тукталышка озынайтыла. Төзелеш эшләренә 2018 елның җәендә керешәчәкбез. Шушы маршрут киләчәктә шәһәрне “боҗра” рәвешендә колачлар. Моның өчен Борисково бистәсе тарафында башта күперләр һәм эстакадалар төзергә кирәк әле, – диде Әсфән Галәвов.
Татарстан урамы белән Тукай урамы киселешендә суүткәргечләргә ремонт башкарылу сәбәпле, 2нче трамвай маршруты ябылып тора. Җәйгә 2нче трамвай йөри башлаячак, ул туристлык маршруты булып та санала, дип ышандырды генераль директор.

Реклама

– Элек составлар иртән һәм кичен “пик сәгатьләренә” күбрәк чыгарыла иде, – дип дәвам итте сүзен Әсфән Галәвов. – Хәзер трамвайлар һәм троллейбуслар көндез пассажирлар азрак булса да, барыбер дә, расписаниене саклап йөри. Бездә тырышып эшләгән трамвай һәм троллейбус йөртүчеләр 45-50 мең сум хезмәт хакы ала. Предприятие буенча уртача хезмәт хакы 29 мең 522 сум.

Казан “Метроэлектротранс” предприятиесе дирекциясе энергия чыганакларына сакчыллыкка нык әһәмият бирә. Узган ел электр энергиясенә 12 миллион сум экономия ясалган. Предприятиедәге 30 йөк һәм җиңел машина барысы да табигый газ ягулыгында эшли. Әсфән Галәвов әйтүенчә, газ куллану күпкә отышлырак.

Метрода транспорт яки банк картасы белән түләү ысулын киң кулланышка кертелә башлаган.Трамвайлардагы һәм троллейбуслардагы кондукторлар да “чек” бирә торган яңа валидаторлар белән эшли башлаячак, дип белдерде “Метроэлектротранс” муниципаль унитар предприятиесе генераль директоры.

“Метроэлектротранс” коллективы инде шактый еллар Югары Осландагы өлкәннәр интернат-йортына шефлык ярдәме күрсәтә.

– Безнең предприятиедә эшләгән Бөек Ватан сугышында катнашкан ветераннарыбызның сафы елдан-ел кими, дүртәү генә калдылар. Аларның пенсияләренә ай саен 2 мең сум өстәп биреп барабыз. Быел 9 майга – Җиңү көненә метрополитенның “Имәнлек” станциясен файдалануга тапшыру ниятләнелә, – диде “Метроэлектротранс” муниципаль унитар предприятиесе генераль директоры Әсфән Галәвов.

Дамир Бәдриев фотосы

 

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 21 апрель 2018 - 08:56
    Янгын чыга калса, ничек исән калырга?
    Кемеровода булган фаҗигадән соң күпләр яшәеш мәгънәсе турында уйлана, ваемсызлыктан арынып, тормышы иминлеге турында кайгырта башлады. Безнең өчен бу бер гыйбрәт булды.
    88
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13272
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1056
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    478
    0
    0
Ночной режим