Шәһри Казан

“Йолдызлык” Балык Бистәсендә талантларны сайлады

Республика районнарында "Созвездия-Йолдызлык" фестиваленең зона этабы уза. 21 март көнне дә Балык Бистәсе Мәдәният йортында Балык Бистәсе, Лаеш, Питрәч, Кукмара, Мамадыш районнарыннан килгән балалар үз-ара җыр, бию, нәфис сүз остасы кебек юнәлешләрдә көч сынады.

Бистәлеләр өчен фестиваль кадерле кунак. 2015 елда гына ачылган яңа мәдәният йорты "Созвездия-Йолдызлык"ны беренче тапкыр кабул итүе. Ләкин район "йолдызлык" хәрәкәте белән яхшы таныш. Узган ел районның "Рапсодия" бию коллективы Гран-При, ә "Кама йолдызсыклары" беренче урын алып кайткан иде.

- Район җитәкчеләре буларак без, балаларыбыз матуррак киенсен, яхшырак чыгыш ясасын, дип тырышабыз. Барысының да беренче урын аласы килә. Күрше районнардан килгән командалар да бик көчле. Алар белән ярышу балалар өчен дә, безнең өчен дә зур стимул, - диде Балык Бистәсе муниципаль районы башлыгы Илһам Вәлиев.

Реклама



Питрәч районының 1 Май бистәсендә яшәүче ун яшьлек Камилә Сәлимова "йолдызлык" сәхнәсенә беренче тапкыр ике яшендә күтәрелгән. Хәзер ул "Вокал-соло", "Конферанс" кебек номинацияләрдә лаеклы урыннар ала. Кызының иҗат белән кызыксынуына әнисе дә горурлана.

- Сәхнә аны стрессларда чыдам булырга өйрәтә. Без аны конкурсларга җитәкләп йөртмибез, үзе тырыша. Конферанс булып чыгыш ясар өчен текстларны да үзе яза, мин бераз гына төзәтмәләр кертәм, - ди кызның әнисе Алсу Гафурова.



Лаеш районының Кече Елга авылы кызы Илүзә Гиниятова да алты яшеннән сәхнәдә. "Каурый" төркемендә халык биюләрен үзләштерә. Быел фестивальгә чуваш халык биюен әзерләгәннәр.

- Башка биюләрдән аермалы буларак, биредә кулларга акцент ясадык. Өйрәнүе авыр булмады, биюне ике ай куйдык. Киләчәктә үземнең дә хореограф буласым килә, - ди Илүзә.
Райондагы зона этапларын узган балалар апрель аенда Казан сәхнәсендә чыгыш ясаячак.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    307
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    445
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    809
    0
    2