Шәһри Казан

Үзәк банкның “кара исемлеге”ндә 6 меңнән артык кеше исәпләнә

"Татфондбанк" эше буенча тикшерү дәвам итә. Күпләр өчен банкны коткаручы санатор табылуы мөһим. Бу очракта кертемнәре иминиятләштерелмәгән клиентларның да акчаларын саклап калу мөмкинлеге бар.

Реклама

Билгеле булганча, күпләр акчаларын "ТФБ Финанс" инвестиция компаниясенә күчереп, ярык тагарак алдында калды. Кертемнәре 1миллион 400мең сумнан артмаган кешеләр үз акчаларын махсус билгеләнгән банк-агентлар аша кайтара алды. Тик менә акчаларын "ТФБ Финанс" компаниясенә ("ТФБ Финанс"- "Татфондбанк"ның бүлендеге булып санала) күчергәннәрнең кертемнәре иминиятләштерелмәгән булып чыкты. Шунысы да бар, клиентларга акчаларны күчерү операциясе вакытында бу хакта кисәтмәгәннәр дә. Нәтиҗәдә, алдаланган клиентлар шикаятьләр беләр хокук саклау органнарына мөрәҗәгать итте.

3 февраль көнне бу мәсьәлә буенча Татарстан эчке эшләр министрлыгының Баш тикшерү идарәсе "Аеруча зур күләмдә урлашу" маддәсе буенча җинаять эше ачты. Әлеге эштә гаепле дүрт кеше ачыкланды. Бу хакта газетабызның узган саннарында хәбәр иткән идек.
Күптән түгел соңгы гаепләнүче - «Татфондбанк» идарәсе рәисе урынбасары Вадим Мерзляков та 2 апрельгә кадәр кулга алынды. Тикшерүчеләр үтенечен судта дәүләт гаепләүчесе дә хуплады.

Бу арада Россия Финанс министрлыгы һәм Үзәк банкы банкротлыкка чыккан банклар хуҗаларын үз һөнәрләреннән читләштерү турындагы законга төзәтмәләр эшли, дип хәбәр итә "Известия" газетасы. "Һөнәреннән читләштерү вакыты банкротлыкка чыккан банкның кредит һәм вклад кертүчеләрне югалту күләменә бәйле булачак", - дип хәбәр иткән Финанс министрлыгы вәкиле. Хәзерге вакытта һөнәрдән читләштерү иң күп дигәндә 5 ел тәшил итә, ә Үзәк банкның "кара исемлеге"ндә 6 меңнән артык кеше исәпләнә икән.


«Шәһри Казан»га Telegramда язылыгыз

Нравится
Поделиться:
Реклама
Комментарии (0)
Осталось символов: