Шәһри Казан

Чаллы инспекторлары 17 яшьлек егет артыннан куган

Чаллының Юл хәрәкәте иминлеге дәүләт инспекциясе (ЮХИДИ) хезмәткәрләре урланган машина артыннан чабарга мәҗбүр булган.

Тәртип сакчылары "ВАЗ" машинасына туктарга сигнал биргән, әмма йөртүче, моңа игътибар бирмичә, китеп барган. Шулчак ЮХИДИ хезмәткәрләре куа китеп, шоферны туктарга мәҗбүр иткән.

Полиция хезмәткәрләре ачыклаганча, рульдәге 17 яшьлек үсмер ЗЯБ бистәсендәге тулай торакларның берсендә яшәүче танышының машинасын урлаган. 21 яшьлек хуҗа 17 яшьлек егеткә машина ачкычын тулай торак вахтасына илтергә кушкан, ә яшь җилкенчәк, гозерне үтәмичә, "тимер ат"ны үз файдасына кулланган.

Реклама

Зыян 110 мең сумга кадәр җитәргә мөмкин. Хәзерге вакытта машина штрафстоянкада, ул йөрерлек хәлдә.

17 яшьлек Зәй кешесенә карата җинаять эше кузгатылган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: