Шәһри Казан

Медицина-социаль экспертиза узу процедурасы гадиләштереләчәк

Россиядә медик-социаль экспертиза узуның яңа тәртибе үз көченә керде

Медик-социаль экспертиза узуның яңа тәртибе җомга көнне үз көченә керә, ул инвалидлык билгеләү процедурасын мөмкин кадәр гадиләштерергә ярдәм итәчәк, аны аңлаешлырак итәчәк, дип хәбәр итте Россия Хезмәт министрлыгы матбугат хезмәте.

"2022 елның 1 июленнән медик-социаль экспертизаны узуның яңа тәртибе эшли башлый. Сырхауханәдә үк медик-социаль экспертизаны көндез яки читтән торып кына да узу турында хәл итәргә мөмкин булачак. Электрон хезмәттәшлек нәтиҗәсендә, белешмә һәм документлар алып килергә кирәк түгел, мәгълүмат МСЭ учреждениеләре һәм медицина оешмалары арасында электрон рәвештә биреләчәк, ә экспертиза нәтиҗәләре Дәүләт хезмәтләре порталында шәхси кабинетка киләчәк", - диелә хәбәрдә. Ягьни медицина оешмаларыннан документларны медицина-социаль экспертиза бюросына гражданин катнашыннан башка гына тапшырачаклар.

Реклама

Медик-социаль экспертиза узу өчен гражданинга тиешле диагностика узу һәм экспертизага юллама рәсмиләштерү өчен дәүләти яки шәхси сырхауханәгә мөрәҗәгать итәргә кирәк. 

Поликлиникада гражданин экспертиза ничек узарга кирәклеген билгели: көндез, медик-социаль экспертиза бюросына килеп, яки медицина документлары нигезендә читтән торып, дип аныкладылар матбугат хезмәтендә.

Медик-социаль экспертиза нәтиҗәләре буенча гражданин экспертиза үткәрү нәтиҗәләрен Дәүләт хезмәтләре порталында, шәхсән МСЭ бюросында яки почта аша ала.
"Инвалидлык билгеләүнең яңа тәртибе бу процедураны мөмкин кадәр гадиләштерергә, бу процессны аңлаешлы һәм үтә күренмәле итәргә мөмкинлек бирәчәк. Без Сәламәтлек саклау министрлыгы белән бергә МСЭны узу өчен кирәкле тикшерүләр исемлеген билгеләдек – хәзер шунда ук экспертиза өчен нинди тикшерүләр кирәклеге ачык. Бу өстәмә тикшеренүләр өчен кире җибәрмәүләрне булдырмаска мөмкинлек бирәчәк", - диде Хезмәт министрлыгы башлыгы Антон Котяков.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: