Шәһри Казан

«Миңа үч итә!»: Башкортстанда яшәүче хатын әйтүенчә, элекке ире сөйгән егете белән аның кечкенә кызын урлаган

Хәзер хатын-кыз полиция һәм җәмәгатьчелек ярдәмендә баланы кире кайтарырга өметләнә.

Башкортстанның Нефтекамски шәһәрендә була бу. 32 яшьлек Галина Ш. белдергәнчә, элекке ире үзенең сөяркәсе белән аларның алты яшьлек кызларын яшерен рәвештә балалар мәйданчыгыннан урлап шәһәрдән алып киткән. Хәзер яшь ана тынычсызлыктан үзенә урын таба алмый, чөнки кызы белән аралашудан мәрхүм калган, аның белән бар да тәртиптә булуын да белми. Моннан тыш, Галина кызның әтисе баланы чит илгә, әйтик, Америкага алып чыгарга мөмкин дип курка. Чөнки аннан аны кире кайтарырга бик кыен булачак.

"Бала белән аралашуына каршы булмадык"
Артур белән Галина 2015 елда өйләнешәләр, апрельдә парның кызы туа, аны Ангелина дип атыйлар. Беренче берничә елда барысы да яхшы булган, тик аннары мөнәсәбәтләр начарлана башлаган.

«Ирем миңа хыянәт итте. Аның телефонында берничә тапкыр хәбәрләр, төрле хатын-кызлардан фотосурәтләр таптым. Әле бу "дус егете" барлыкка килде, ирем аның белән үз вакытын үткәрде, еш кына төнгә калган чаклары булды, даими рәвештә аның белән шалтыратышып торды. Ягъни алар үзләренең мөнәсәбәтләрен яшермәделәр дә. Бер тапкыр без ирем белән бик каты ачуланыштык, ул миңа кул күтәрде, аннары мин өйдән качып чыгып киттем», - дип сөйләгән Галина "КП-Уфа" журналистларына.
2021 елда хатын-кыз түзмәгән һәм аерылышырга булган. Ул вакытка ире инде күптән Соликамскида (Пермь өлкәсе) яшәгән.
— Кызыбыз белән рәтләп күрешмәде, аның белән видеоэлемтә аша шалтыратышып, кичке онлайн-уеннарда уйнадылар. Суд баланың яшәү урынын минем белән билгеләгәндә дә, Артур каршы килмәде. Мин аңа беркайчан да кызым белән күрешүне тыймадым. Теләсә кайсы вакытта кил, мин каршы түгел, дия идем. Ләкин Артур үзе Эвелина белән күрешергә атлыгып тормады. Бер тапкыр ул аның янына туган көненә килергә җыенган иде, ләкин соңыннан да кире уйлады. Нигә ул хәзер кызыбызны урлаган? Чыннан да, аны яратудан түгел, бәлки миннән үч алу өчен генә, - ди бичара ана.

Реклама

"Балада психологик тайпылыш барлыкка килергә мөмкин"
Галина сөйләгәнчә, 15 сентябрьдә ул, гадәттәгечә, кызын бакчадан алган, шуннан соң Эвелина йорт янындагы мәйданчыкта уйнарга калган. Әнисе кире килгәндә, сабый юкка чыга. Күршеләре әйтүенчә, кызын аның элеккеге ире алып китә. Ире үзенең "сөйгән егете" белән бергә була.
— Мин Артурга, аның сөяркәсенә шалтыратырга тырышып карадым, ләкин трубканы берәү дә алмады. Һәм хәзер мин аларның берсенә дә шалтырата алмыйм, бала белән нәрсә булуын белмим. Ул балага хәзер психологик җәрәхәт ясавын аңламый. Эвелина - аллергик, аның ашказаны белән проблемалары бар. Өстәвенә, кызым миңа бик нык бәйләнгән, һәм әнисе белән аерылышуны да бик авыр кичерә, - дип борчыла Галина.
Хатын-кыз сүзләренчә, ул шунда ук полициягә мөрәҗәгать иткән, ләкин аңа биредә җинаять эше кузгатмаячаклары турында белдергәннәр, чөнки ире ата-ана хокукларыннан мәхрүм ителмәгән һәм бала өчен тулы хокукка ия.
- Хәзер алар Минскида. Озакламый алар Амстердам яки Мексика аша АКШка барырлар дигән уй бар. Анда Артурга эш тәкъдим иткәннәр, шуңа күрә ул анда кызымны да алып китә ала. Минем бер өметем - судта, чөнки элеккеге иремне һәм аның дустын вөҗдан белән уйлап эш итү - файдасыз, - ди Галина.

- Бүген хатын-кыз Россия Эчке эшләр министрлыгының Нефтекамск шәһәре буенча бүлегенә 2015 елгы кызын эзләү турындагы гариза белән мөрәҗәгать итте. Хәзерге вакытта алынган гариза буенча полиция балигъ булмаган кызның кайда булуын билгеләү буенча кирәкле чаралар үткәрә, - дип ачыклык керткән Башкортстан буенча Эчке эшләр министрлыгы матбугат хезмәте.

Фото: социаль челтәрләр

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: