Шәһри Казан

Мисыр курортларына августтан самолетлар оча башлый

Коронавируска каршы көрәш буенча оператив штаб шундый карар кабул иткән.

9 августтан Мисырга Мәскәү-Хургада һәм Мәскәү-Шарм-эль-Шейх маршрутлары буенча рейслар саны артачак. 

Әлеге маршрутлар буенча рейслар саны арту, бу илдә коронавирус буенча вазгыятьне бәяләү өчен, Россия делегациясенең Мисырга баруы нәтиҗәсендә булырга мөмкин.

Моннан тыш, Россия 9 августтан Бәһрәйн, Доминикана республикасы һәм Молдова белән авиаэлемтәне яңадан башлаячак.

РФ Президенты Владимир Путин 8 июльдә, теракт нәтиҗәсендә Синай ярымутравында Россия авиалайнеры һәлакәткә очраганнан соң кабул ителгән указны гамәлдән чыгарды. 2015 елгы указ Мисыр курортлары белән чартерлы авиаэлемтәне тыя иде. Ул вакытта Росавиация Хургада һәм Шарм-эль-Шейхка очарга рөхсәт бирмәде. 

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: