Мәскәүдә коронавирус белән чирләүче җиде пациент вафат булган

Бу хакта коронавирус буенча вәзгыятьне күзәтү һәм мониторинглау буенча төзелгән оператив штаб хәбәр итә.

Пациентларга 49дан алып 90 яшькәчә булган. "Авырулар шикәр чире, гипертония, кардиосклероз, пиелонефрит, ашказаны асты бизенең атрофиясе белән чирләгәннәр. Хасталарның өчесе хроник бронхиттан интеккән", - диелә штаб биргән хәбәрдә. Үлгәннәрнең берсе шәхси медицина оешмасында күзәтүдә булган. Аның йөрәк һәм шикәр чире белән проблемалары булуы хакында мәгьлүм.