Шәһри Казан

Раил Нургалиев: "Отасы әйберем калмады"

ТР спорт министрының беренче урынбасары Хәлил Шәйхетдинов танылган көрәшче Раил Нургалиевка “нинди хыялың бар, көрәштән китү теләгең бармы, кайчан?” дигән сорау бирде.

“Беренче чиратта, Аллаһы Тәгаләгә һәм мине тудырган әти-әнигә рәхмәтлемен. Аллаһка шөкер, бөтен хыялларны да тормышка ашырдым. Яраткан хатыным, балаларым бар, көрәш карьерасында үзем теләгәнне өч тапкырга арттырып үтәдем. Отасы әйберем калмады, Аллаһка шөкер. Мин – көрәшнең фанаты. Җаным-тәнем белән көрәштә мин. Сәламәтлегем бар, туктарга уйламыйм. Алга таба да отасым, җиңәсем килә. Иң зур теләгем – көрәш гадел булсын иде, чөнки кайвакыт хөкемдарлар дөрес бәя бирми. Кемне тартырга кирәк, шуны беренчелеккә чыгаралар. Бу хәл балалар арасында да күзәтелә. Мин дә балалар арасында гел җиңелә идем”, - диде Раил Нургалиев.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: