Шәһри Казан

Сак булыгыз: юлларда бозлавык булырга мөмкин

Бүген, 21 октябрьдә Татарстан һәм Казан территориясендә һава шартларының сизелерлек начараюы көтелә.

Республика Гидрометеорология үзәге мәгълүматларына караганда, Татарстанда төньяк-көнбатыш циклонының актив атмосфера фронты үткәндә, көнбатыш районнардан башлап, кар, карлы яңгыр, көньяк-көнбатыштан секундына 17-22 метрга кадәр көчле җил, шулай ук күз күременең сизелерлек начараюы көтелә.

Иртәнге сәгатьләрдә һава температурасы нульдән -1 градуска кадәр, көн дәвамында +2-7 градуска кадәр җылыначак. Иртән юлларның аерым участокларында бозлавык һәм кар боткасы булуы ихтимал.

Казанда төнлә урыны белән бераз кар, юеш кар явачак. Җил төньяк-көнбатыштан талгын. Төнлә һава температурасы нульдән -2 градуска кадәр. Иртән юлларның аерым участокларында бозлавык барлыкка килергә мөмкин.

Реклама

Көндез явым-төшем дәвам итәчәк – синоптиклар фаразы буенча, кар, юеш кар, яңгыр явуы көтелә. Көньяк-көнбатыштан талгын җил исәчәк, урыны белән секундына 17-22 м тизлектә. Максималь һава температурасы көндез +4 градустан +6 градуска кадәр тибрәнәчәк, дип хәбәр ителә Татарстан Республикасы Гидрометеорология һәм әйләнә-тирә мохитне күзәтү идарәсе сайтында.

Чыганак: kzn.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: