Шәһри Казан

Татарстанлыларның электрон медицина карталары барлыкка киләчәк

Республика клиник хастаханәсендә агымдагы елдан башлап HIMSS халыкара стандартына күчү буенча масштаблы проект гамәлгә ашырыла.

Аның төп принцибы - медицина ярдәме күрсәтүнең сыйфатын күтәрү. Аерым алганда, ул цифрлы инструментлар хисабына пациентларны дәвалауның үтә күренмәле процессын кертүне күздә тота. Бу хакта Кабминдагы брифинг барышында республика саннар Татарстанның цифрлы үсеш министры Айрат Хәйруллин сөйләде.

Шулай итеп, агымдагы елдан хастаханәдә дәваланучы РКБ пациентлары уникаль цифрлы кодлы беләзекләр алачак. Анда хастаханәдә пациент белән булган барлык манипуляцияләр теркәләчәк, - анализлар, процедуралар һ. б.

Реклама

Шул ук вакытта һәр табибның һәм шәфкать туташының шәхси ноутбукы барлыкка киләчәк. Шулай ук медикларда махсус маркерлар, валидаторлар һәм башка җайланмалар булачак.

"Быел без бу проектка керештек, без нәтиҗәне күрәбез. Россиядә шундый HIMSS стандартына бары тик бер клиника гына туры килә. Анда 7 дәрәҗә, без үзебезгә ким дигәндә 6 нчы дәрәҗәгә чыгу бурычын куйдык. Шул рәвешле, без дәвалау процессының үтә күренмәлелеген тәэмин итә алабыз, пациент белән булган барлык гамәлләр теркәлгән чын электрон медицина картасы барлыкка киләчәк, һәм иң мөһиме - бездә табиб хаталарын минимальләштерергә мөмкинлек бирә торган инструментлар барлыкка киләчәк ", - дип аңлатты Хәйруллин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: