#Кыскача яңалыклар 22 октября 2016, 13:23

2017 елдан химиятерапиясен Чаллыда да ясый башлаячаклар

22 октября 2016, 13:23

Чаллыда 2017 елда яман шеш белән авыручыларга химиятерапия ясый башлаячаклар. Бу хакта шәһәр башкарма комитетының сәламәтлек саклау идарәсе җитәкчесе Олег Сабаев игълан итте, дип яза "Шәһри Чаллы" газетасы.

Скопировать ссылку

Бу мөмкинлек шәһәрнең ашыгыч ярдәм хастаханәсе базасында булачак. Хәзер химиятерапия операцияләрен башкару өчен җиһазлар һәм җайланмалар кайтару, аларны урнаштыру процессы бара. Моңарчы һәм хәзер дә яман шеше булганнар Казанга йөреп дәваланды. Чаллыда онкобүлек ачылгач, бөтен Чулман төбәгендәге районнардан һәм калалардан авырулар химиятерапиягә бирегә килерләр. Бу республика онкоүзәгенең эшен бермә-бер җиңеләйтәчәк, анда чиратлар кимиячәк.

Чаллының үзендә яман шеш белән авыручылар өчен стационар үзәк бинасы 2018 елда төзелә башлый.

Кызыклы яңалыкларны күзәтеп бару өчен Телеграм-каналга кушылыгыз.