#Кыскача яңалыклар 05 мая 2017, 11:23

7, 8 һәм 9 май көннәрендә автобус һәм троллейбус маршрутларында үзгәрешләр булачак

05 мая 2017, 11:23

- Җиңү парадына әзерләнгәндә, парад вакытында һәм "Үлемсез полк" йөреше вакытында 10 автобус һәм троллейбус маршрутында үзгәрешләр булачак. Казанлылар алар турында алдан ук белеп торсын иде.

Скопировать ссылку

Бу хакта бүген журналистларга Казан шәһәре Башкарма комитеты башлыгының беренче урынбасары Дамир Фәттахов әйтте.

Аерым алганда, автобус һәм троллейбус маршрутындагы вакытлыча үзгәреш 3, 5, 7, 8 һәм 9 май көннәрендә булыр дип көтелә. 9 май көнне Җиңү парады һәм "Үлемсез полк" йөреше вакытында 2 нче троллейбус маршруты көн буе туктатылып тора.

9 май көнне 09.00 сәгатьтән 16.00 сәгатькә кадәр 3, 5, 7, 8 нче троллейбуслар йөрмәячәк. 9 майда 12.30 сәгатьтән 16.00 сәгатькә кадәр Горький исемендәге мәдәният һәм ял үзәк паркыннан Карл Маркс урамына кадәр "Үлемсез полк" йөреше вакытында 22, 28, 83, 89 нчы автобусларның маршруты үзгәрә.

Кызыклы яңалыкларны күзәтеп бару өчен Телеграм-каналга кушылыгыз.