9 Майда казанлыларны халык караокесына чакыралар

Бәйрәм програмамсында "Болгар радиосы" алып баручылары, җырчылар, балалар һәм яшүсмерләр иҗат коллективлары, "Йолдызлык", "Студентлар язы" фестивальләре җиңүчеләре, халыкара конкурслар лауреатлары, "Волга-Волга" төркеме чыгыш ясаячак. Концерттан соң бөтен халык барысы бергә "Сугыш җырларда" дигән караокеда катнашачак. Сугыш чоры җырларын мең кеше башкарачак, аларга концертның һәр тамашачысы кушыла ала. Бәйрәм чарасы салют белән тәмамланыр дип көтелә.