Балалар өчен кирәк-яракларны һәм уенчыкларны ничек дөрес сайларга?

Балалар өчен продукция һәм уенчыклар сатып алганда техник регламентлардагы кайбер кисәтүләргә игътибар итәргә кирәк.

АЛАР ТҮБӘНДӘГЕ ГОМУМИ КУРКЫНЫЧСЫЗЛЫК ТАЛӘПЛӘРЕНӘ ҖАВАП БИРЕРГӘ ТИЕШ:

яңа туган сабыйлар һәм 1 яшькә кадәрге балалар өчен биләүсә һ.б. әйберләрнең табигый материаллардан эшләнүе, аларда «Кулланыр алдыннан юу мәҗбүри» дигән мәгълүмат булуы шарт;
бала чүпрәкләрендәге тегелгән җөйләр тукыманың уң ягында булырга тиеш;

яңа туган сабыйлар һәм 1 яшькә кадәрге балалар өчен биләүсә һ.б. әйберләрдәге синтетик материаллардан эшләнгән тышкы һәм декоратив элементларның (челтәр, аппликация һ.б.) баланың тәненә тиеп тормавы шарт;

балалар өчен савыт-саба җитештергәндә поликарбонат, поливинилхлорид, меламин кебек материаллар кулланылмаска тиеш;
балалар һәм яшүсмерләргә тәгаенләнгән продукциянең маркировкасы дөрес булырга, яхшы укылырга тиеш.

УЕНЧЫКЛАРНЫҢ МАРКИРОВКАСЫНДА ТҮБӘНДӘГЕ МӘГЪЛҮМАТНЫҢ БУЛУЫ ШАРТ:

уенчыкның исеме;
уенчык җитештерелгән ил атамасы;
җитештерүченең, импортерның урнашкан урыны һәм атамасы, аның белән элемтәгә керү өчен мәгълүмат;
җитештерүченең товар билгесе (булган очракта);
уенчык яки пиктограммада баланың минималь яше;
төп конструкция материалы (3 яшькә кадәрге балалар өчен) (кирәк булган очракта);
җитештерү датасы (ае, елы);
яраклылык яки хезмәт итү вакыты;
саклау шартлары (кирәк булган очракта).

УЕНЧЫКНЫҢ ТӨРЕНӘ БӘЙЛЕ РӘВЕШТӘ, МАРКИРОВКАГА ТҮБӘНДӘГЕЛӘР КЕРӘ:

комплектлык (җыелма өчен);
уенчыкны файдалану кагыйдәләре;
гигиеник эшкәртү алымнары;
куркынычсызлык чаралары;
кисәтә торган язулар;
җыю буенча инструкция.

Кулланганда аеруча саклык таләп иткән чаралар турында кисәтү мәгълүматларында язылырга тиеш.