Баулыда өч игезәк туган!
Баулы муниципаль районы башкарма комитеты ЗАГС бүлегендә өч игезәк бала туу теркәлде.
Баулы муниципаль районы башкарма комитеты ЗАГС бүлегендә өч игезәк бала туу теркәлде.
Бу искиткеч вакыйга Радик һәм Алинә Таҗетдиновлар гаиләсендә булды. Бәхетле ата-аналар кызларына Камилла, Әминә һәм Ралина исемнәре биргәннәр. Бу хакта «Баулы-информ» газетасы яза.
ЗАГС бүлеге җитәкчесе Сирена Мөрсәлимова күп балалы әти Радик Таҗетдиновны кызлары туу белән котлады, туу турында таныклыклар, Татарстан Республикасы Президенты Рөстәм Миңнехановның котлау адресларын тапшырды.
Район башкарма комитеты җитәкчесе урынбасары Илмира Хөснуллина бәхетле атаны котлап, яңа туган сабыйларга бүләкләр тапшырды, диелә хәбәрдә.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар