Бүген Чулпан авылында атаклы көрәшче Сабир Хәбибуллин истәлегенә турнир ачылды

Ярышларны ачу тантанасында Татарстан Яшьләр эшләре һәм спорт министрының беренче урынбасары Хәлил Шәйхетдинов әйтүенчә, турнир быел 22нче тапкыр уздырыла. Бу вакыт аралыгында көрәш җәймәсендә шактый күп катнашучы җыелган, алар арасында Россия беренчелеге һәм Кубогы җиңүчеләре, призерлары да бар.

Танылган көрәшче Сабир ага Хәбибуллин истәлегенә оештырылган ярышларны ачу минем өчен зур дәрәҗә. Аның белән шәхсән таныш булдым, аны уңышлы механизатор һәм Чулпан авылында көрәш мәктәбенә нигез салучы буларак беләм. Бу эшчәнлекнең бүген дә үсеш алуы сөендерә, - дип ассызыклады Хәлил Шәйхетдинов.

Халыкара билбаулы көрәш федерациясенең генераль сәркатибе, ТР Билбаулы көрәш федерациясенең башкарма директоры - Сабир аганың улы, көрәшчеләр нәселен дәвам итүче Хәбир Хәбибуллин катнашучыларга киңәш сүзе белән мөрәҗәгать итте.

- Минем әти гел алдынгы булган: ул - безнең авылны илнең төрле почмакларында таныткан беренче күптапкырлы абсолют батыр, Татарстанның их яхшы механизаторы, беренчеләрдән булып фермерлык хуҗалыгын ачучы һәм көрәш мәктәбенә нигез салучы. Ул һәрвакыт безне ахыргача көрәшергә һәм беркайчан да бирешмәскә өрәтте, - дип искә алды Хәбир Хәбибуллин.

Ярышлар ике көн дәвам итә. Җиңүчеләр һәм призлы урын яулаучылар медаль, кубок белән бүләкләнә, шулай ук разрядлары белән билгеләнәчәк.

^{_{Фотолар Татарстан Билбаулы көрәш федерациясе матбугат хезмәтеннән алынды}}