«Чирләмәгез». Алинә Заһитова хастаханәгә эләккән

Фигуралы шуу буенча олимпия чемпионы Алинә Заһитова капельница астында видео төшергән һәм аны үзенең Telegram-каналында урнаштырган.

«Авырмагыз», — дип язган спортчы түбәндәге хәбәрдә. Комментарийларда аның фанатлары Заһитовага тизрәк терелүен теләгән.

Моңарчы социаль челтәрләрдә Заһитованы күпертелгән иреннәре өчен тәнкыйтьләгәннәр иде. Алар 22 яшьлек фигуристкага үзенең тышкы кыяфәтендә нәрсәнедер үзгәртергә бик иртә дип санаганнар.

Заһитова-Россия тарихында дөнья фигуралы шуу буенча барлык титулларны яулаган бердәнбер спортчы. Ул 2018 елгы Олимпия чемпионы, Дөнья һәм Европа чемпионы, шулай ук Гран-при финалы җиңүчесе булды. 2019 елда фигуристка карьерасын туктатты, игътибарын телевидение алып баручысы эшенә юнәлтте.