#Кыскача яңалыклар 05 февраля 2017, 07:54

Казан Кирмәнендә гайшыйклар көне

05 февраля 2017, 07:54

Изге Вәли көне уңаеннан 11, 12 һәм 14 февраль көннәрендә Казан Кирмәне гашыйклар өчен төрле романтик чаралар оештыра. Конкурслар, квестлар һәм күргәзмәләр «Эрмитаж-Казан» үзәгендә узачак.

Скопировать ссылку

11 февраль көнне, мәсәлән, Казан Кирмәне территориясе буйлап «Көтелгән сүзләрне пышылда» дигән квест була. Катнашучылар кайсы ишек тоткасына мәхәббәт турында хатлар салынганын, йөрәкләр тоташтыра торган урынны беләчәкләр.

Күптәннән мәхәббәт хатлары язарга хыялланучылар өчен махсус мастер-класс оештырыла. Биредә модерн стилендә хат язачаклар.

Шулай ук 12 февраль көнне «Модерн чорында Love Story» программасы эшли. Ә 14 февраль көнне сөйгән ярыңа музейда «свидание» оештырып булачак.

Шулай ук 31 гыйнвардан музейда иң матур һәм кызыклы «валентинка» дигән кызыклы конкурс бара. Йөрәкләр 15кә20 форматында булырга тиеш. Эшләр 10 февральгә кадәр кабул ителә. Өстәмә мәгълүмат hermitage-kazan@mail.ru адресы буенча.

^{_{Фото: www.kazan-kremlin.ru}}

Кызыклы яңалыкларны күзәтеп бару өчен Телеграм-каналга кушылыгыз.

#250