Казанлылар "Кырлай" паркы артындагы яшел зонаны чистартачаклар

Активистлар әлеге территорияне чүптән арындырырга планлаштыра. Әйләнә-тирә мохиткә битараф булмаган шәһәрлеләрне чарада катнашырга чакыралар. "Казанга мәхәббәтебезне күрсәтик. Инициатива белдереп, бу урынны төзекләндерик", – дип язалар активистлар социаль челтәрләрдә. Чарада катнашучылар сәгать 10.00 дә "Кырлай" паркының үзәк капкалары янында очраша, чүп капчыклары һәм перчаткалар алып килергә киңәш ителә.