Минтимер Шәймиевкә мактау билгесе тапшырдылар

Утырышта катнашучылар белән ул Татарстанның тарихи-мәдәни мирасын яңадан торгызу буенча тәҗрибәсе белән уртаклашты. Аеруча «Яңарыш» фонды турында сөйләде.
- Узган ел Болгар тарихи-археология комплексы ЮНЕСКО исемлегенә кертелгән иде, хәзер без Зөянең аерым объектларын ЮНЕСКОга кертү өчен әзерлибез. Бу юл озын, катлаулы, авыр. Бу исемлеккә керергә теләүчеләр бик күп, - ди Минтимер Шәймиев.Татарстан Дәүләт киңәшчесе тарихи мирасны торгызуда ярдәм кулы сузучыларга рәхмәтен җиткерде, төп меценатларның исемнәрен дә атады. Тарихи ядкәрләрне яңадан торгызу - Татарстанга туристларны җәлеп итүнең бер юлы икәненә дә басым ясады.Сүз уңаеннан, узган ел Болгарда 280 мең, Зөядә 180 мең кеше кунак булган. Утырышта Минтимер Шәймиевкә Федерация Советының югары бүләге - "Парламентаризм үсешендә күрсәткән хезмәтләре өчен" дигән мактау билгесе тапшырылды.