Мисырга кайчан оча башлыйбыз?

Федераль басмалар хәбәр итүенчә, Мисырга авиарейсларны кабат җанландыру карары 2016 ел азагына кадәр хәл ителергә мөмкин. Әлеге мәсьәлә Максим Соколов Мисырның гражданлык авиациясе башлыгы Шәриф Фәтхи белән уздырган техник консультациянең чираттагы раунды вакытында да күтәрелде. Россия Транспорт министрлыгы белән Мисырның авиация тармагы җитәкчеләре рейсларны торгызу буенча эшләнәчәк гамәлләрнең адымлы планын раслаган.

Мәгълүм булганча, ике ил арасында очышлар узган елның октябрендә, теракт аркасында А321 очкычы һәлакәткә юлыкканнан соң туктатылган иде.