Путин ничә минут чыгыш ясар?

Хәбәр иткәнебезчә, 21 апрель көнне Россия Президенты Владимир Путин Федераль җыенга юллама белән чыгачак. Гадәт буенча, әлеге чарада Дәүләт Думасы депутатлары, сенаторлар, Конституция һәм Югары суд җитәкчеләре, төбәк лидерлары, төбәк парламентлары җитәкчеләре, төрле конфессия лидерлары, җәмәгать эшлеклеләре, массакүләм мәгълүмат чаралары җитәкчеләре катнаша.

Узган ел юллама ел башында диярлек - 15 гыйнварда яңгыраган иде. Ул чакта Президент 1 сәгать 12 минут чыгыш ясады. Иң озакка сузылган чыгыш исә 2018 елда булды. Ул чакта Путинның чыгыш ике сәгатькә якын - бер сәгать тә 55 минут вакыт алды.