Россиядә 1 сентябрьдән кайбер категория гражданнарга пенсияне арттырачаклар

Түләүләргә үзгәрешләр кертү августта 80 яшь тулганнарга кагылачак. Бу категория өчен иминият пенсиясенең төп өлеше икеләтә артачак, элеккеге 8134,88 сум урынына 16269,76 сумга җитәчәк. Моннан тыш, түләүләр инвалидлыкның беренче төркемен алучыларга, шулай ук төрле нигезләр белән пенсияләрен яңадан исәпләүне сорап Финанс базарлары буенча федераль хезмәткә мөрәҗәгать итүчеләргә арттырылачак.
Пенсияне арттыруны көтү өчен тагын бер сәбәп – 1 октябрьдә билгеләп үтелә торган Өлкәннәр көне. Бу бәйрәм уңаеннан федераль түләүләр каралмаган, әмма төбәк һәм муниципаль дәрәҗәдә аларның булуы мөмкин. Ярдәм күләмен һәм масштабын төбәкләр үзләре билгели, дип искәртә белгеч Людмила Иванова-Швец.