Рөстәм Миңнеханов Бөтенроссия азык-төлек иминлеге форумында

Анда ул I Бөтенроссия азык-төлек иминлеге форумында катнашты. Татарстан Республикасыннан әйдәүче агросәнәгать комплекслары, шул исәптән «Татспиртпром» җәмгыяте, «Просто молоко», «Ак Барс» холдинг компаниясе, «Челны Бройлер» җәмгыяте һәм башкалар форум кысаларында оештырылган күргәзәмдә үз продукциясен тәкъдим итә. Форумда Россиянең 30дан артык субъекты катнаша. Бүген исә форумның икенче эш көнендә, «Яңа икътисадый шартларда Россиянең азык-төлек иминлеге» пленар утырышы булачак. Пленар утырышта Россия Федерациясе Хөкүмәте Рәисе Дмитрий Медведев та катнашыр дип көтелә.