Татарстанлылар «тере» акча ярата

Республикада бер ай эчендә барлыгы 7,44 миллиард сумлык 40 меңгә якын кредит биргәннәр. Бу хакта Берләшкән кредит бюросы мәгълүматлары сөйли. 
Узган айда республикада уртача кредит күләме 188 мең сум тәшкил иткән. Шул ук вакытта республикада кредит алучылар сентябрь аендагыга караганда – 30 процентка, бирелгән кредит күләме – 37 процентка кимегән.

Татарстанда көзнең беренче аенда «тере» акча белән барлыгы 11,7 миллиард сумлык 56,5 мең кредит рәсмиләштерелгән. Рейтингта Мәскәү беренче урынга чыккан: биредә октябрь аенда барлыгы 26,74 миллиард сумлык 109,3 мең кредит алганнар. Мәскәү өлкәсе – икенче (19,77 миллиард сумлык 93,5 мең кредит). Краснодар крае (10,66 миллиард сумлык 67 мең кредит) өченче урынга чыккан.