52 яшьлек хатын яңа ел корпоративыннан өенә кайтып җитә алмыйча урамда өшеп үлә. Ни сәбәпле?
Әлегә сорау ачык килеш кала. Бу хәл Пермь өлкәсенең Кунгур шәһәрендә килеп чыга. Бәйрәмнән соң таксига утырып киткән ханымның соңрак урам уртасында яткан салкын гәүдәсенә юлыгалар. Аның беренче ире дә моннан 30 ел элек нәк шундый ук үлем белән бакыйлыкка күченгәнлеген хәбәр итә чыганаклар. Тик ирен үтерәләр. Ә менә мәрхүмәне җинаятьчеләр корбаны дип әйтеп булмый. 32 еллык хезмәт стажының 21 елын физкультура дәресеннән укыткан остазның 16 яшьлек улы белән 31 яшьлек кызы ятим калган.
Төрле рәсми булмаган чыганаклар хәбәр итүенчә, ханым бәйрәм мәҗлесе төгәлләнер алдыннан такси чакырта. Ләкин таксист юлны таба алмыйча бераз “адашып” йөри дә ханымны өеннән 2-3 чакрым ераклыкта төшереп калдыра. Ханым машинадан чыгуга кар өстенә егыла, ә менә таксист аңа ярдәм дә итеп тормыйча, китеп бара. Соңрак ханымның кар өстендә үле гәүдәсе табыла. Таксистның эзенә тиз төшәләр, хәзергә тикшерү эшләре бара.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар