Зөлфирә һәм Алмаз Мирзаяновлар әниләрен ничек сөендергән?

Бу уңайдан балалары аңа көтелмәгән сюрприз ясаган. Фотога төшкән арада, яннарына якын туганнары килеп баскан. Фотограф юбилярга фотоны күрсәткәч кенә Сәвия апа артына борылып килгән кунакларны күргән.

“Әниебез 50 яшьлек юбилеен үткәреп тормыйбыз диде. “Тиздән катлаулы операция булырга тора, бөтенләй туган көн кәефе юк миндә, балалар”, гына дип әйтте. Көчкә оныклар, балалары белән генә берәр кафега барырга күндердек. Ризалашты. Ә кафеда аны иң якын кешеләре көтә иде! Барлык туганнар, дуслар белән әнигә сюприз ясадык! Еладык та, көлдек тә! Әниебезгә бәйрәм ясарга үз өлешен керткән барча туганнарыбызга, дусларыбызга, Фәридә апага, фотографка зур рәхмәт! Әле тагын бик күп юбилейларны бергә уздырырга насыйп булсын!” – дип язган Зөлфирә.

Видеоны Зөлфирә белән Алмазның аккаунтларына кереп карый аласыз.