Россия Эчке эшләр министрлыгы хезмәткәрләренең формасын яңарттылар

Россия Эчке эшләр министрлыгы хезмәткәрләрен форма белән тәэмин итү нормаларында яңа кием предметлары барлыкка килгән. Кайбер бирелә торган комплектлар саны һәм аларның тасвирламасы үзгәргән. Яңалыклар 10 июньдә үз көченә керә. Бу хакта «Парламентская газета» яза.

«Формалы кием, аерымлык билгеләре һәм РФ Эчке эшләр органнары хезмәткәрләрен әйберләр белән тәэмин итү нормалары турында» нормаларда яңа кием предметлары билгеләнгән, алар арасында язгы-көзге (сезонара) куртка, җиңеләйтелгән чалбар, җиңеләйтелгән спорт туфлиләре, куртка һәм билбаулы чалбар комплекты бар. 

Хәзер хокук саклаучылар җиңел көндәлек костюмның ике комплекты, ягъни кыска җиңле куртка һәм чалбар алачак. Элегрәк аларга шундый бер генә комплект бирелгән иде. Әмма өч киҗемамык чалбар урынына ике пар бирәчәкләр.

Хатын-кызлар өчен баш киеме һәм аяк киеме буенча норма үзгәрү күзәтелгән. Киҗемамык фуражка урынына Россия Эчке эшләр министрлыгы хезмәткәрләре киҗемамык пилотка алачак, ә кышкы яки язгы-көзге (сезонара) ярым итекләр урынына - итекләр биреләчәк.