Татарстан бюджетына керемнәр 2025 елның ун аенда 10,1%ка арткан

Бу хакта матбугат очрашуында республиканың финанс министры урынбасары Алла Леонидовна Анфимова хәбәр итте.

Узган елның шушы чорына караганда, республиканың тупланма бюджетына керемнәр 44,3 млрд сумга, ягъни 10,1% ка арткан. Тупланма бюджетның салым һәм салым булмаган керемнәренең гомуми суммасы буенча Татарстан Россия Федерациясе субъектлары арасында Мәскәү, Мәскәү өлкәсе, Санкт-Петербург һәм Краснодар төбәкләреннән генә калышып, бишенче урынны алды. Узган елда Татарстан алтынчы урында иде. Идел буе федераль округы буенча республика беренче урынны биләгән.

Агымдагы елда республикадан кергән керемнәр узган елның шушы чорына караганда 11,4% ка арткан. Республиканың тупланма бюджетының салым һәм салым булмаган керемнәренең төп суммасы 96% тәшкил итә. Ягъни физик затларның керемнәренә салым — 35%; оешмалар табышына салым — 25%; салым булмаган керемнәр — 12%; оешмалар мөлкәтенә салым — 9%; акцизлар — 8%; тулаем керемгә салым — 7%.