Шәһри Казан

Арт-галерея чакыра

12-16 февраль көннәрендә «Казан ярминкәсе» күргәзмәләр үзәгендә узачак VI «АРТ-галерея»ны күпләр түземсезләнеп көтә булса кирәк.

Республиканың мәдәни тормышына бер бизәк өстәп, рәссамнарны, сынчыларны, кулланма-гамәли сәнгать осталарын (каюлы күн, зәркән эшләнмәләр, батик, витраж һ.б.) фотографларны, төрле арт-берләшмә вәкилләрен барысын бер мәйданга җыячак ул. Мастер-класслар, бәйге-тамашалар да һәрвакыт игътибар үзәгендә булыр дип көтелә.
Татарстан Рәссамнар берлеге әгъзалары да бердәм катнашачак «АРТ-галерея»да.
- Быел без «АРТ-исповедь» дип аталган яңа проект тәкъдим итәбез. Ул тулы бер программаны эченә ала. Монда картиналар күргәзмәсе дә, Удмуртия Рәссамнар берлегеннән киләчәк дусларыбыз (Юрий Лобанов, Александр Пушин) катнашында видео-арт, музыкаль сейшн («Барадж» төркеме), перформанслар (Александр Бусыгин, Альберт Шиабиев һ.б.) булачак. Куб рәвешендә арт-объект ясалачак һәм бөтен вакыйга-тамашалар шуның эчендә барачак. Чараны башыннан азагына кадәр Анатолий Пашин видеога төшереп барачак һәм соңыннан фильм эшләячәк, - ди проект кураторы рәссам Әлфия Ильясова-Саргин.
Мондый чараларда карикатурачылар секциясе эшләгән нокталар һәрвакыт тамашачыга елмаю бүләк итә. Вячеслав Бибишев, Фәрид Вахитов, Илдар Нәфиев, Заһир Хәкимов, Илдус Әҗемов бу юлы да үз репертуарларында булачак.

Реклама

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: