Шәһри Казан

«Халык халыкныкын көтә»

Алмаз НУРГАЛИЕВ нинди генә конкурста җиңү яуламады икән? Илһам Шакиров, Салих Сәйдәшев исемендәгесе булсынмы, «Татар моңы-2010» телевизион яшь башкаручылар бәйгесендәге беренчелек дисеңме, Алмаз аларның һәрберсендә халык күңеленә барып җитәрлек моң җиткезә алды. Казан дәүләт консерваториясендә Татарстанның халык артисты Зилә Сөнгатуллина классын тәмамлаган егет алай да бүген тулаем үзен сәхнәгә багышламый.

Беренчедән, ул аны остазы Зилә ханым сүзләренә таянып аңлата: «Кеше консерваториягә килә торган яшьтә мин аны инде тәмамладым. Әмма сәхнә өчен ул яшьтә үк өлгермәдем кебек. Ә менә хәзер мин үземне сәхнә өчен әзер дип уйлыйм».
Алмаз - Актаныш егете. Аларның гаиләсе районда үрнәк булу белән беррәттән җыр-моңга гашыйк, сәнгать җанлы булулары белән аерылып торды. Әтисе Азат Нургалиев - моңлы тавышлы җырчы, әнисе Кадрия Идрисова - бүгенгесе көндә ТР Мәдәният министрлыгының идарә эшләрен башкаручысы.
- Алмаз, җыр-моңга тартылмасаң, гаҗәп булыр иде. Гаиләдән килгән әлеге талантны үстерү юлында әти-әниең киңәше нинди иде?
- Әтием дә, әнием дә минем һәр адымымны хуплап, яклап торучы кешеләр. Минем җыр сәнгате юлын сайлавыма да тыныч карадылар, үземә сайлау иреге куелды һәм мин консерваториягә укырга кердем.
- Кумирларың остазларыңа әверелдеме?
- Минем иң элек әтиемне атыйсым килә. Үзешчән җырчы булса да, ул бик күп конкурсларда җиңү яулаган, көчле талант. Кумирым һәм остазым исә - Зилә Сөнгатуллина. Мин анда укуым белән чиксез шат. Күңелдә калган үкенеч исә - исән вакытында Хәйдәр Бигичев белән күрешә алмавым. Аның җыр сәнгатендә тоткан урыны, репертуары искиткеч. Ул да кумирларым исемлегендә.
- Озын, салмак җырлар яратуыңны беләм. Бусы да Азат абыйдан күчкән бугай?
- Элек-электән халык мәҗлесләргә җыелганда да моңсу җырлар җырлап күңел ачкан. Ул безнең менталитетыбыз, милләтебез нигезе бугай. Мин дә халык җырларына, аеруча аларның сузып җырлана торганнарына өстенлек бирәм. Тамашачы да халык җырларын ярата. Шуңа репертуарымда «Тәфтиләү», «Әллүки» кебек халык җырларын яратып җырлыйм. «Су буенда тал тибрәлә» (Сара Садыйкова муз., Хәсән Туфан сүз.) дигәне белән «Татар моңы»нда чыгыш ясадым.
- Алмаз, альбомың булмау синең өчен минус дияр идем...
- Мин альбом чыгару, сольный концерт куюны максат итмим. Бүген тамашачыны диск чыгарып гаҗәпләндереп булмый, җырчыларыбыз да зал тутырыр өчен башта шактый хезмәт түгә. Танылу юлы да ул түгел дип исәплим. Моның өчен иң әйбәт юл - телевидение, интернет.
- Яңа җырлар яздырып йөрүең турындагы серне дә ачыйк инде...
- Мин бүген «Яңа Гасыр» телерадиокомпаниясендә монтажлаучы булып эшлим, параллель рәвештә яңа җырлар туплап, сәхнәгә чыгарга әзерләнәм. Муса Җәлил шигыренә Алсу Дәүләтгәрәева көй язган җырым әзер, Реваль Хисмәтуллин дигән егет белән дә яңа иҗат җимешләре әзерлибез.
- Гаиләң турында ишетик.
- Хатыным Алсу белән ике ул тәрбияләп үстерәбез.
- Алмаз Нургалиев киләчәктә...
Киләчәктә мин болай, тегеләй булам, дип алдан кычкыра алмыйм. Ходай Тәгалә күрсәтер. Әмма сәхнәдә буласым килә, үз җырларымны булдырырмын дип ышанам. Әле менә 13 гыйнварда без - «Татар моңы»ның җиңүчеләре кабат көч алышачакбыз. Әлеге концертка әзерлек эшләре белән кайныйбыз.

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    545
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    456
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    342
    0
    0
Ночной режим