Шәһри Казан

Шаян Сабан туе

Монда көрәш, монда чабыш, Күпме сый, күпме уен! Мәзәкләр белән бизәкли Якташлар Сабан туен! I Күрегез: кабык торбадан Шуып чыкты Миначтин. Шомарган бит, «толкач» булып, Дөнья гизә торгачтын! II Уратып алган бер төркем Биек, шома колганы. Йөри шунда Сәрхуш Сәмәй Әрле-бирле тулганып: - Аек булсам, очында ук Утырачак мин аның!...

Реклама

Монда көрәш, монда чабыш,
Күпме сый, күпме уен!
Мәзәкләр белән бизәкли
Якташлар Сабан туен!

I
Күрегез: кабык торбадан
Шуып чыкты Миначтин.
Шомарган бит, «толкач» булып,
Дөнья гизә торгачтын!

II
Уратып алган бер төркем
Биек, шома колганы.
Йөри шунда Сәрхуш Сәмәй
Әрле-бирле тулганып:
- Аек булсам, очында ук
Утырачак мин аның!

Кемдер әйтте:
- И, җаным,
Күрер идек бер, ичмасам.
Бер көн аек булганың!

III
Нык суктылар капчык белән...
Барып төште... Аптырый...
Тик шулай да «үз капчыгын»
Чәлеп китте Гаптери.

- Гаптери - ай-һай! - диләр.
- Гадәте... алай! - диләр.
- Гел капчыклап урлый торгач,
Остарды, малай! - диләр.

IV
Мәчтүрәттәй сөйләп тора.
Тавык боты кимереп:
- Сара кызы үлә инде
Кияү эзләп, тилмереп...

Ә минем кыз - үзем кебек! -
Бәхете булды, малай!
Әлхәмделиллаһи шөкер,
Җиденче ирен кыйнай!

V
Ике чыпчык сугыша икән,
Ул төштә дә яклаш бар.
Әмма ләкин Сабантуйда
Яклашмыйлар якташлар.

Хәрәмләш тә гөнаһ монда -
Сабантуй булсын якты!
Тагын бер тапкыр күзәтик
Ярышлар барган якны:

Аргы башта - чүлмәк вату.
Сирәкләр генә вата.
Күз бәйләүче Фәрхетдингә
Ялварып тора Гата.

- Игелек җавапсыз калмас,
Күрерлек итеп бәйлә...
Әйтте Фәрхи, кысып бәйләп:
- Юмалап торма, әйдә!

Сабан туе - кантур түгел,
Тыкма монда блатны -
Өйрәнгәнсең кантурыңда
Алдап безнең братны!

VI
Бер як читтә ярыш бара -
Су ташу ярышлары.
Көянтәле җиңгиләрнең
Җилдереп барулары!

Ферма мөдире Сәйфетдин
Сикереп куйды мәгәр:
- Әх, боларның барысы да
Миндә эшләсә әгәр!

Файдалана белер идем
Бу җитезлек-көчләрен -
Җанга тимәс иде ватык
Автоэчергечләрем...

VII
Алыптай гәүдәле Зиннәт
Быел да батыр калды -
Алаша хәтле тәкәне
Иңенә алып салды.

Фәрхинур чыкты атылып:
- Кем җитә минем иргә?!
Һәм... ирен күтәреп алды
Тәкәсе белән бергә!

Бу дөньяда иң көчлесе -
Мәхәббәт икән бит ул!
Зиннәт кебек егетләрне
Мәһабәт иткән бит ул!

Сокланудан-шатланудан
Мәйдан гөр килеп тора.
Шаянлык тулы йөзләрдән
Нурлар бөркелеп тора.

...Монда көрәш. Монда мәзәк,
Күпме сый, күпме уен!
Кызыклар белән бизәкли
Якташлар Сабан туен!

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: