Шәһри Казан

Шигырьләрендә – йөрәк тибеше

Кулына каләм алганын күргән саен, «Шигырь ничек туа?» - дип сорыйлар аңардан. Исемнәре дөньяга билгеле шагыйрьләр дә бу сорауга тәгаен генә җавап бирә алмый торгандыр. Альберт та белми. Ләкин шигырьләрдә башта ана, соңрак авторның үз йөрәк тибешенең ритмы булырга тиешлеген яхшы белә.

«Без балачактан шул шигырь көен ишетеп үстек», - ди ул үзенең бер шигырендә. Ә икенчесендә:
«Шигырьләр чын дуслар күк.
Язмыш булып килә безгә», - ди ул.
Бу юллар үзешчән шагыйрь Альберт Әбелхановның уч төбенә генә сыярлык кечкенә, мәктәп дәфтәре калынлыгындагы «Йөрәк ритмында» дигән шигырьләр китабыннан. Тышына кардиограмма ясалган. Тора-бара ул сызыклар йөрәк формасын ала һәм азактан, каурый каләмгә әйләнеп, күккә омтыла. Әлеге шигырьләрдә - туксанынчы дистәне ваклап баручы аксакалның тормыш юлы, тәҗрибәсе һәм кешелеккә әйтеп калдырыр сүзләре, васыяте.
1934 елда Сталинград (хәзерге Волгоград) шәһәрендә хәрби гаиләсендә туа ул. Балачагы Бөек Ватан сугышына туры килә. Иртә балигъ булырга туры килә аларга. Тугыз яшендә үк ул Суворов училищесы курсанты була һәм 1952 елда аны көмеш медаль белән тәмамлый. Аннары туган шәһәрендә хәрби училище дипломы алгач, хыялы чынга аша, сугышта һәлак булган әтисенең эшен дәвам итеп, хәрбиләр сафына баса. Карелия, Балтыйк буе, Байкал арты... Ул узган хәрби юллар буенча география фәнен өйрәнергә була. Кайда гына торса да, милләттәшләре Ватаны - Татарстанга гомере буе кыйбласы итеп карый. Лаеклы ялга чыккач та, Арча төбәгенә кайтып төпләнә. Яңа Чүриле авылы мәктәбендә хәрби әзерлек дәресләре алып бара. Укучылар белән эшләргә педагогик белеме җитенкерәмәвен белгәннән соң, читтән торып, югары уку йортын тәмамлый. Бүгенге көндә ул, үзе әйтмешли, язмыш ихтыяры аркасында, Арча картлар һәм инвалидлар социаль приютында яши. Ялгызлыктан зарланмый. Йөрәк тибеше ритмында туган шигырьләр язу сәләте биргәне, кулына каләм тоттырганы өчен, язмышына рәхмәттән башка сүзе юк. Шуңа да ул 90нчы дистәне вакласа да, күңеле һаман яшь. Каты авыру йөзен шактый бозып кыйшайтса да, җан кыйбласын зәгыйфьли алмаган. Бу аның яшьләрчә дәртләнеп, егетләрчә җилкенеп һәм аларга тормыш тәҗрибәсен кушып язган саллы шигырьләрендә күренә.
Кеше ничә яшьтә булуына карамастан, татлы хыял белән яшәргә тиеш. «Хыялсыз кеше - канатсыз кош», - ди безнең халык. Альберт әфәнденең дә була андый хыялы. Гомере буе илебезнең төрле якларында язган шигырьләрен туплап, кечкенә генә булса да, китап чыгару уе белән янган ул. Ләкин әйтергә генә ансат - бүген китап чыгару шактый кыйммәт. Ярый әле аксакалга ярдәм итүче игелекле якташлары табыла. Берсе кулъязманы компьютерда җыя, икенчесе, мөхәррир булып, язганнарын нечкә иләктән үткәрә. Китап басарга тиешле акча да табылган. Боларның барысының да башында әлеге приютның директоры Гөлназ Төхфәтуллина тора. Шуңа күрә дә район китапханәсендә оештырылган китапны тәкъдим итү кичәсендә автор белән бер дәрәҗәдә сөенде ул.
- Альберт әфәнденең бүлмәсендә төннәрен бик озак ут сүнми. Шундый кичләрнең берсендә ул миңа үзенең хыялы барлыгын әйтте дә инде. Һәм мин аңа, үз чиратымда, китабын чыгарырга вәгъдә бирдем. Бүген шул әманәтне үтәгәнгә сөенәм, - диде директор, шатлыгы белән ихластан уртаклашып.
Китапны тәкъдим итү бәйрәменең Альберт Әбелхановның туган көне белән бер көнгә туры килүе дә очраклы гына булмаган, әлбәттә. Оештыручылар тырышкан. Районның «Каурый каләм» иҗат берләшмәсе әгъзалары аны үз оешмаларына алдылар. Бәйрәмгә Татарстан Язучылар берлегеннән дә бер төркем каләм ияләре аксакалның шатлыгын уртаклашырга килделәр. Китапның 300 данә белән генә дөнья күрүе бераз эчне пошырды. Күбрәк укучыга җиткерәсе иде ул ихлас шигырьләрне. Бигрәк тә яшьләр укысын иде.

Реклама
Теги: 250
Нравится
Поделиться:
Реклама
Комментарии (0)
  • 14 декабря 2017 в 16:56
    Эш кешесе Хатын пыр тузына: – Син таң белән эшкә дип чыгып китәсең дә, кич җиткәч арып-талып кайтып керәсең. Юньләп ашап та тормыйча, караватка барып авасың. Иртән торасың да тагын чыгып китәсең... Кайда йөрисең син, ә? – Эштә, әлбәттә.
    77
    0
    0
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • 8 декабря 2017 в 14:15
    Ләйсән Таишева ни өчен улына гадәти булмаган исем кушкан? Ел башында Ләйсән белән интервью эшләгәндә: “Кайчан бәби алып кайтасыз?” – дип сораган идек, ул: “Кияүгә чыкканчы, кайчан кияүгә чыгасың?” – дип йөдәтә иделәр, хәзер игътибар бәбигә күчте. Малай яки кыз алып кайткач: “Аңа иптәшкә тагын берәрне алып кайтыгыз инде”, - дип йөдәтерләр. Бәбигә кагылышлы сорауга мин: “Кайчан туса – шунда була”, - дип җавап бирәм. Ул бит бер безнең теләктән генә тормый”, - дип җавап биргән иде.
    1283
    0
    3
  • 8 декабря 2017 в 14:21
    Сүрия качкыннары: «Тынычлыкның кадерен белегез» «Сүриядәге барган вакыйгалар тормышка башка күзлектән карарга өйрәтте безне. Сугыштан да куркынычрак нәрсә юк икән. Тынычлыкның кадерен белергә кирәк».
    245
    0
    0
  • 8 декабря 2017 в 15:22
    Төп йорт килене нинди булырга тиеш? Балык Бистәсе районының Балтач авылы мәдәният йорты директоры Әминә Гатиятова белән сәнгать җитәкчесе Гөлфинә Сәлахиева төрле мәдәни программаларны уйлап чыгарып кына торалар. «Төп йорт килене» әдәби-музыкаль кичәсенә дә халык клубны шыгрым тутырып җыелды.
    112
    0
    0