Шәһри Казан

Солдатлардан армия тупланган

Аның иң беренче ясаган солдатларына да инде 31 ел узып киткән икән. Сергей Викторович Киселев аларны 15 яшендә уйнарга дип ясый башлый. Катыргыга унарлап тезеп куеп, армия төзеп, үз планы буенча сугышлы уйный. Туплардан аттыра. Мондый уеннар көне буе дәвам итә. Тора-бара мавыгуы да, осталыгы да арта. Аның солдатлары тарихи...

Реклама

Аның иң беренче ясаган солдатларына да инде 31 ел узып киткән икән. Сергей Викторович Киселев аларны 15 яшендә уйнарга дип ясый башлый. Катыргыга унарлап тезеп куеп, армия төзеп, үз планы буенча сугышлы уйный. Туплардан аттыра. Мондый уеннар көне буе дәвам итә. Тора-бара мавыгуы да, осталыгы да арта.
Аның солдатлары тарихи чынбарлыкка туры китереп киендерелгән. Аларны пластилиннан әвәли башлаганчы, Сергей тонналап хәрби әдәбият укый, сирәк очрый торган чыганаклардан үзендә күчерелмәләр булдыра. Солдатларга нинди төстәге перчатка кидертүдән алып, атларның токымнарына кадәр өйрәнә. Бер генә артык сәдәф тә, бау да, деталь да юк аларда. Кечкенә, 1:54 масштабындагы, өчәр сантиметрлы солдатлары меңәрләгән.
Тупланмада - патша армиясенең төрле төбәкләре, РККА, французлар, инглизләр, берничә тарихи чор. Һәр шәкел аерым бер тартмада урын алган. Һәрбер солдатның аяк астында терәге бар. Шуның аскы ягына нинди чорга, нинди төркемгә каравы язылган. Бер солдатны ясарга күпме вакыт китүен әйтүе кыен, чөнки ул аларны беркайчан да берне генә ясамый. Башта аерым өлешләрен ясап куя, аннан шуларны берәм-берәм җыя, киендерә башлый. Сергей кибеттә сатыла торган гап-гади пластилинны куллана. Һәм ул аларны, бернәрсә белән дә эшкәртмичә, тартмаларда саклый, чөнки өстәлдә ачык яткан сыннарга тузан утыра. Солдатларны, тартмага бүлемтекләр ясап, караңгы, салкынча урында тота. Кайчагында танылган офицерларның сыннарын да эшли. Детальләрне бирү өчен, ул кул астындагы материаллардан да (бау, фольга, тимерчыбык, чәч) файдалана. Төсләр туры килмәгәндә, баштарак буяуга мана торган булса, соңрак гель каләмнән файдалана. «Әти аяклы энциклопедия иде. Аның белгәннәре үзе белән китеп барды. Үзеннән соң бик зур тупланмасы калды. Ул һәрвакыт солдатлары белән зур уенда катнашу турында хыяллана иде. Бусы инде тормышка аша алмас. Бәлкем әле аның эшләре белән кызыксынучы музейлар табылыр», - ди останың кызы.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    552
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим