Шәһри Казан

Яз кояшы күңелләрдә

Шатлык килгәндә синең белән бергә рәхәтләнеп көлешер, шатланышыр кешене табып була ул. Ә менә сиңа килгән күңелсезлекне ихластан бүлешер кешене табу кыен бүген. Һәркемнең үз мәшәкате, үз гозерләре башыннан ашкан. Ул яктан бик күп нәрсәне заманага сылтыйбыз - вакыт юк, эш күп.

Реклама

Әмма арабызда кеше хакын үзенекеннән дә алда куеп, ихластан ярдәмгә атлыгып торучылар бар, Аллага шөкер. Хезмәттәшебез Люция Хәбибуллинаны әнә шул сирәкләр рәтенә керт­сәң, хата булмастыр. Аңа гадәттә чәйләп алырга тү­гел, гозер кыстырып ки­лүчеләр күбрәк. Кемнең кемдә эше бар дип тормый Люция - үзенең эшләрен кырыйга алып куя да кеше мәшәкате белән чабарга тотына. Профессиональ сыйфат кына түгел ул аның, күбрәк - күңел халәте. Халык медицинасы буенча кирәкле төнәтмәләрне ясарлык үлән-мазар да иртәгәсе көнгә табыла, рәнҗетелгән, яклау тапмаган укучылар гозере дә Люция башлангычы белән хәл ителә.
Люция Хәбибуллина турында укучыга сөйләп тору да урынсыздыр кебек - аны гади укучы да, Казанның мәдәният-сәнгать тармагында хезмәт куйган «каймагы» да белә, бик тә үз итә. Башкалабызның театрлары турында әйтеп тә торасы юк - анда һәркем диярлек Люциянең ахирәт дусты.
Иҗатта кайнап яшәүче Люциянең бүген туган көне - гомер бәйрәме икәнен дә күпләр беләдер. Хатын-кызның яшен сорамыйлар, күңеле матурлар каршында еллар көчсез ул. 1996 елдан бирле «Шәһри Казан» газетасы журналисты булган Люция Хәбибуллина белән дә шул ук хәл - еллар аңа бары тик матурлык, күңел көрлеге, сәламәтлек кенә алып килә күрсен. Тагын бик күп еллар матур хезмәт итеп, зур уңышларга ирешеп, гел шатланып яшәргә язсын!

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: