Шәһри Казан

Үзеңнеке үзәктә яки безгә театр килде

Олы Кариле авылы мәдәният йортында 11 февраль көнне Казан дәүләт аграр университеты студентлар татар театры драматург Илгиз Зәйниевнең «Мәхәббәт турында риваять» дигән мелодрамасын куйды.

Реклама


Олыкарилеләр бу көнне түземсезләнеп һәм кызыксынып көтте, чөнки мелодрамадагы төп рольне авылыбыз егете Илнар Ид­рисов уйнаячагын белә иде.

Тамашачы әсәрнең авторы Илгиз Зәйниев турында хәбәрдар булса да, сәхнәбезгә аның әсәре менгәне юк иде. Аның иҗаты белән танышу теләге дә, әлбәттә,зур иде.
Ул көн килеп җитте. Күрсәтелгән вакытка тамашачы да җыелды, буш урыннар калмады да. Залда якты, җылы, һәр җирдә пөхтәлек. Кемнәрдер залның зәвыклы бизәлешен күзәтә. Күрәсең, алар башка авыллардан килгәндер, тәрәзә һәм сәхнә пәрдәләре чынлап та бик матур.

Пәрдә ачыла. Сәхнәдәге күренеш-бизәлеш күңелгә бик тә хуш килерлек: агачлык, инеш, инеш аркылы бас­ма.
Әсәрнең эчтәлеге гади генә кебек. Яшьләр кичләрен су буенда очраша, дуслаша, ярату хисләрен белдерә. Төп герой Айназ, суга төшкән ай кызы Айсылуны күреп, гашыйк була. Ай кызы да егетне ярата. Аның да җиргә төшеп, кешеләр арасында сөйгәне белән бәхетле яшисе килә. Ләкин салкын ай аны җиргә җибәрми. Аерылышу котылгысыз.

Айсылу белән Айназның матур мәхәббәтләренә киртә булырдай кешеләр җирдә дә бар. Алар яманлык кылырга да сәләтле.Алар ай кызына китәргә кушалар, хәтта җәберлиләр дә. Әсәр эчтәлеге тамаша­чыга әдәп-әхлак кагыйдә­ләрен дә оста җиткерә. Вакыйгалар үсешендә чын мәхәббәт, яхшылык, яктылык яманлык­ка каршы куела. Ай кызы китә, ләкин мәхәббәт күңелдә яши, җылыта, яктырта, яшәргә көч бирә.
Пьеса авторы Илгиз Зәйниев һәм режиссер Раушан Шәриф геройларның хис-кичерешләрен калку итеп күрсәтүдә музыкаль бизәлешне оста файдаланганнар. Җырларның көе-сүзе, башкару осталыгы тамашачы күңелен яулый алырлык. Сәхнә, артист, тамашачы бергә дулкынлана, залдагы һәр кеше яшьлек, матурлык белән бергә яши башлый.

Сәхнә геройларының киемнәре зәвыклы, төсләр матурлыгы үзара килешле, авторның әйтергә теләгән фикерен ачуда булышырлык итеп уйланылган, шулай сайланган. Артистларның уены чыннан да сокланырлык. Барысы да җыр-биюгә оста, сәхнәдә хәрәкәтләре матур һәм урынлы, сүзләрне әйтү ачык, тавыш тоннары бай, сөйләм осталыклары мактарлык. Әсәр бербөтен, бер сулышта карала.Татарстан Рес­публикасының атказанган мәдәният хезмәткәре Роберт Галиев - чын остаз. Аның театрга чын күңелдән бирелгән булуы, үзенең артистларын яратуы, кайгыртучанлыгы күз карашыннан ук сизелә. Мелодрамада ул бабай ролен башкара. Роберт абый сәхнәгә чыкса, сәхнә яктыра, нурлана, уңай энергия тарала.

Үзеңнеке үзәктә, диләр, шулай икән шул. Тамаша­чылар авылдашыбыз Илнар уйнавын дулкынланып, аның өчен җан атып карады. Сынатмады Илнар, ­сөбханалла! Буй-сын, гәүдә җиңеллеге, җыр-биюгә осталык, хә­рәкәт тизлеге, хис тирәнлеген бирүдә тавыш үзенчәлекләрен оста файдалана белү, гаҗәеп ихласлык - барысы да бар. Күз тимәсен!
Шәп уйнадылар егетләр-­кызлар. Тамашачы бик риза булды. Алып кайткан бит авылга Илнар сәхнәдәш дусларын. Җырчы булырга укучы авылдаш егетебез­ Марат Галим­җанов та алданрак Динә һәм Рафаэль Латыйповлар белән бергә искиткеч шәп программа әзерләп кайткан иде. Менә инде 18 мартта Венера Ганиева белән безгә тагын киләчәкләр.

Егетләр мәктәптә үзеш­чән сәнгать түгәрәгендә, төрле тематик чараларда катнашып, сәнгатькә тартылдылар. Аннары сәләтләрен мәдәният йортында Илсур абыйлары җитәкчелегендә чарладылар, үс­терделәр. Соңгы елларда мәдәният йорты коллективы үзенең эшчәнлеген бик киңәйтте, төрләндерде. Район һәм зона бәйге-ярышларда урыннары һәрвакыт югары. Авылыбызның йөзек кашы булган артист, режиссер, Минзәлә театры директоры, Тукай бүләге лауреаты Сабир Өметбаев исемен дә безнең авыл мәдәният ­йортына юкка бирмәгәннәрдер.

Нәкыя Халикова, ветеран укытучы
Кама Тамагы районы, Олы Кариле авылы

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    344
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    721
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    359
    2
    2