Шәһри Казан

Башлангыч сыйныф укытучысы Азат Галиәхмәтовны ни өчен «авылның җаны» диләр?

Башлангыч сыйныф мөгаллимнәре күбесенчә хатын-кыз булганга күнеккәнбез. Ир-атлар, булса да, бик сирәктер. Балтач районы Кенәбаш мәктәбенең башлангыч сыйныф укытучысы Азат Галиәхмәтов - шуларның берсе. Ул менә 24 ел инде туган авылында башлангыч белем бирә. Аның дистә еллар буе үз һөнәренә тугры калуы сокландыра. Арча педагогия училищесын тәмамлаганнан соң, 1993 елның...

Ул кайтып эшли башлагач, мәктәп-бакча күзгә күренеп үзгәрә. Авылдашлары бәхетеннән, яшь укытучы җитмеш төрле һөнәргә ия егет була. Кирәк икән, кулына балта-пычкы алып, ватылганны төзәтеп куя, тәнәфесләрдә баянын сузып, мәктәп тормышына ямь-дәрт өсти.
Аның беренче укучылары хәзер инде үзләре гаилә корып, балалар үстерә. Арада балаларын Азат Мансур улына укырга китергәннәре дә бар. Ул кайчандыр кулларыннан тотып язарга, бармак төртә-төртә укырга өйрәткән укучылар арасында бүген кемнәр генә юк. Табиблар, журналистлар, укытучылар, шоферлар - барысы да тормышта үз урыннарын тапкан алар. Төрле өлкәләрдә ил-көнгә кирәкле кешеләр булып яшәп ятулары. Үзенең укучылары белән ихластан горурлана мөгаллим.

Азат Галиәхмәтов һәр баланың сәләтен күреп, шуны үстерү өчен күп тырышлык куя. Авыл балаларын ике-өч тавышка җырларга өйрәтүе дә бушка китми. Аның шәкертләре «Созвездие-Йолдызлык» фестивалендә ел саен зур уңышларга ирешә.

Узган уку елында дүртенче сыйныфтагы алты баланы озатып җибәргән укытучы, сентябрьдән беренче сыйныфка тагын җиде сабый киләчәк, дип сөенеп йөри. «Бергә булса да, күбрәк бит әле!» - ди Азат әфәнде, авылларының киләчәгенә өмет баглап.

Башлангыч сыйныф укытучысы, беренче мөгаллимнең кеше тормышындагы ролен әйтеп бетерә торган түгел. Еллар үткәч тә, «Беренче укытучым», - дип юкка гына яратып, якын итеп әйтмибез бит инде. Аннары бу һөнәрнең тагын шунысы да бар: төн йокыларыңны калдырып өйрәтәсең-өйрәтәсең дә, тәмам «эзгә салгач» кына, бүтән укытучыларга тапшырасың. Ә сине яңадан ак кәгазь кебек саф күңелле нәниләр көтеп тора.

Азат Галиәхмәтов турында, ул - авылның җаны, диләр. Мәктәп укучыларының гына түгел, авыл яшьләренең тормышын җырлы-моңлы итү дә Азат җилкәсендә. Бер генә кичә-бәйрәм дә баянчы Азаттан башка узмый Кенәбашта.

Азат Галиәхмәтов яхшы укытучы, оста баянчы гына түгел, гаиләсендә үрнәк әти дә.

Реклама

Тормыш иптәше, китапханәче Энҗе белән алар өч бала үстерәләр. Олы уллары Айрат Казанда спорт академиясендә укый, уртанчылары Бәхтияр - сигезенче, ә төпчек кызлары Энҗе беренче сыйныфка барырга әзерләнә. Әтисе укытачак кызны. Шуңа күрә дә әтиле-кызлы Галиәхмәтовлар 1 сентябрьне быел бергәләп көтәләр.


Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    307
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    445
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    809
    0
    2