Шәһри Казан

«Журналист буласым килә»

Кичә - 26 июнь көнне, XXII Республикакүләм «Алтын каләм» балалар, яшүсмерләр һәм яшьләр матбугаты фестивале ачылды. Бердәм дәүләт имтиханнарын тапшыргач, булачак журналистлар ел саен шулай каләм көчен сынарга җыела. Бүләге дә саллы гына - Казан федераль университетының Журналистика һәм медиакоммуникацияләр югары мәктәбенә конкурссыз гына укырга керү.

Яшьләр биш көн дәвамында татар, рус журналистикасы, телевидение, радио, фото, PR, версткалау кебек юнәлешләр буенча белем туплый, иҗат итә. Журналистлар арасында шундый сынамыш та бар: «Алтын каләм»дә үзен сынап караган кеше, Гран-при алмаса да, бу өлкәдә, һичшиксез, уңыш казаначак. Биредә алар журналист-остазларыннан гамәли һәм теоретик дәресләр ала.
Фестивальдә катнашу өчен балалар, беренче эш итеп, еллар дәвамында тупланган иҗат эшләрен тапшыра. Әйтик, Резидә Әлмиева бирегә инде дүртенче тапкыр килә икән. Шушы вакыт эчендә ул үзен корреспондент, версткалаучы, фотограф буларак сынарга өлгергән.
- Журналистика ул - шулкадәр киңкырлы хезмәт. Аның һәр өлкәсендә үземне сынап карыйсым килде. Берничә ел элек татар журналистикасында перспектива бетте кебек тоелган иде. Татар кафедралары ябыла дигән сүз дә чыкты. Бәлкем шуңа да фото төшерергә алынганмындыр. Элек мин, журналистика - иншалар язу, дип кенә уйлый идем. «Алтын каләм»дә моның бары тик миф икәнен аңладым. Безнең эш фактлардан торырга тиеш. Фестивальдә дүрт ел катнашу дәверендә журналистикага карашым 180 градуска үзгәрде. Киләчәктә үземне татар интернет басмасында эшләүче журналист буларак күрәм. - ди IX сыйныф укучысы.
Резидә бүген - «Ялкын» журналының балалар редколлегиясе әгъзасы. «Сабантуй» журналында һәм үзләренең район газетасында даими автор.
Башка еллардан аермалы буларак, быел катнашучылар рус басмасы («Казанские ведомости»), татар басмасы (Арча районы, Кырлай авылы), телевидение («Яңа Гасыр» телерадиокомпаниясе), PR («Brainstore agency» креатив һәм коммуникация агентлыгы), фотохәбәрче («Видимый свет» иҗат студиясе), версткалаучы (типография) юнәлешләре буенча эшлекле командировкага да барачак әле. Бу исә журналист казанының ничек кайнавын күрү, матбугатның эчке кухнясы белән танышу дигән сүз.
Ачылыш тантанасында Татарстан журналистлар берлеге рәисе Римма Ратникова булачак хезмәттәшләрен сәламләде.
- Фестивальнең 22нче ел баруына ышанасы да килми. Журналист - бик җаваплы һөнәр. Ул - хакимият белән халык арасында күпер салучы. Йокысыз төннәргә әзер булыгыз, мендәр кочаклап ятарга вакыт булмаячак. Программагыз бик тыгыз. Үзегезне кызганмагыз, мин сезгә җиңү телим! сезнең өчен бу биш көн - вузга укырга керү өчен зур әзерлек булачак, - диде Римма Ратникова.
Быел фестивальдә 130 кеше катнаша, шуларның 32се - татар журналистикасы юнәлеше буенча килүчеләр.

Реклама
Теги: 250
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    168
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    589
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    523
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    358
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    193
    0
    0
Ночной режим