"Оча торган татар" кире кайта - фильмнар аша

Үләре алдыннан Ватаны белән саубуллашкандай ул театр чакыруы белән Татарстан башкаласына  ике тапкыр кайта һәм оркестр дирижеры буларак чыгыш ясый.   Быел бар дөньяны шаккатырган бөек балет биючесе Рудольф Нуреевның тууына 85 ел тулу уңаеннан "Нуреев сезоннары" дигән  Халыкара мәдәни проект уздырыла. Ул Мәскәү, Уфа һәм Казан шәһәрләрендә март азагында үтәчәк. Бүген аның туган көнендә Муса Җәлил исемендәге Татар дәүләт опера һәм балет театры янындагы һәйкәленә  чәчәкләр салыначак. Аннары бу "оча торган татар"га ( аны еш кына шулай атаганнар) багышланган  чаралар "Мир" кинотеатрында узачак.

Анда  яңа документаль фильмнар күрсәтеләчәк. Аларның берсе аның нәкъ менә бөек биюченең  Казанда булган чорына багышланып, "Рудольф Нуреев. Кайту" дип атала. Тамашачылар мавыктыргыч фильм гына карап калмыйча,  аңа багышланган фотокүргәзмә белән дә таныша алачаклар. Күргәзмәгә Рудольф Нуреевның Казанда булган вакытын сурәтләүче 20 фото  урнаштырылган. Алар арасында бар дөнья алкышлаган  атаклы биюченнең 1987 елда Уфага үлем түшәгендәге әнисе белән саубуллашырга  кайткач төшкәннәре дә бар.  Бу чакта аңа 72 сәгатькә  Ватанына кайтырга  рөхсәт иткән булалар.

 24 мартта "Рудольф Нуреев. соңгы бию" дигән документаль фильм   була. 90нчы елларда  табибы  балетның аңа файдасы булуын күреп:  "Барыгыз биегез!" -  дигән була. Будапешт опера һәм балет театры сәхнәсендә Кристофор" балетында ул фәрештәне бии. Сәхнә гомерендә аңа бик күп  тискәре образларны тудырырга туры килә: Манфед , Гамлет Люцифер -   берсеннән-берсе куркынычрак затлар. Ә соңгы биюе фәрештә. Язмыш шундый  бүләк әзерли талантлы татар улына.  

Рудольф Нуреев шактый гомерен туган җирен сагынып уздырган иҗатчы. 25 мартта шулай ук "Мир" кинотеатрында аның чит илдәге тормышы турында  тагын бер документаль фильм күрсәтеләчәк. Ул Италиянең көньягындагы гаҗәеп табигатьле  Ли - Галли  утравы хакында. Италиягә гастрольләргә күп йөргән   Рудольф Нуреев 80нче еллар азагында бу утрауга  төпләнеп яши башлый,  биредә яшь талантлар өчен балет үзәге төзергә дә хыяллана. Ләкин бу хыялы тормышка ашмый кала.

 "Нуреев сезоннары" дигән әлеге проект беренче тапкыр 2018 елда бөек биюченең 80 еллыгында беренче тапкыр Рус балеты елы кысаларында  чит илләрдә узган иде. Узган ел  85 еллыгы алдыннан проект илебез  регионнары буенча да атлый башлады. Һәр өч шәһәр дә Рудольф Нуреев  биографиясе белән тыгыз бәйләнгән.

Фильмнар  Пушкин картасы белән генә түгел, пенсионерлар өчен дә  бушлай. Ә бу  максатка ирешүнең , сәләтнең олы талантка әйләнүенең  юлларын  җентекләп күрсәтә торган фильмнарны күбрәк кеше карый,  канатлы татарның тормышы-иҗатына күбрәк кеше соклана   ала дигән сүз.