Шәһри Казан

Сайлауларның икенче көнендә 49,7 процент кеше тавыш биргән

49,7 процент сайлаучы бүген, ягьни шимбә көнне тавыш бирүнең икенче көне нәтиҗәләре буенча Татарстанда агымдагы сайлауларда катнашкан.  

Бу хакта “Сайлаулар-2020” Бердәм мәгълүмат үзәгендә ТР Үзәк сайлау комиссиясе рәисе Андрей Кондратьев хәбәр итте. Аның сүзләренчә, өч көн эчендә сайлау участоклары 8 дән 20 сәгатькә кадәр эшли, штаттан тыш хәлләр теркәлмәгән. 

"Татарстанда сайлау кампаниясе контроль астында, барысы да штат режимында. Без Сәламәтлек саклау министрлыгы, Эчке эшләр министрлыгының оператив штабы белән даими элемтәдә. Хокук саклау органнары мәгълүматлары буенча, җитди вакыйгалар теркәлмәгән. Нинди дә булса вакыйгалар яки сайлау кампаниясе белән бәйле очраклар турындагы хәбәрләр Роспотребнадзор ягыннан да юк", - дип белдерде Андрей Кондратьев.
 Ул искәрткәнчә, республикада актив сайлау хокукына 2,9 миллионнан артык кеше ия. "Шул ук вакытта "Мобиль сайлаучы" механизмы, ягъни участокны алыштыру һәм теркәлү урыны буенча түгел, ә урнашу урыны буенча тавыш бирү мөмкинлеге белән республиканың 17 меңнән артык кешесе файдаланган. 

Шулай ук аның мәгълүматлары буенча, тавыш бирүнең икенче көнендә участокларда якынча 17 мең күзәтүче булган. Тавыш бирүнең икенче көнендә Үзәк сайлау комиссиясендә сәяси партияләр күзәтүчеләреннән бернинди шикаятьләр килмәгән. "Закон бозу, яки кемнедер җәберләү белән бәйле мөрәҗәгатьләр юк", - диде Андрей Кондратьев.

Реклама

Мәгьлүм булганча, шимбә көнне, 12 сентябрьдә, “тынлык көне” башланган иде, диде ул. Теләсә нинди агитация, партия акцияләре һәм митинглар уздыру, листовкалар тарату, массакүләм мәгълүмат чараларында сәяси реклама тыелды. 

Шимбә көнне, дөресен әйткәндә, бердәм тавыш бирү көнендә 13 сентябрьдә теләсә нинди агитация, партия акцияләре һәм митинглар уздыру, листовкалар тарату, телевидение һәм радиода сәяси реклама тыела. Элекке урында бары тик элек чыгарылган агитация материаллары гына калырга мөмкин, дип хәбәр ителә, әмма алар тавыш бирү биналарыннан илле метрдан якынрак урнашмаган очракта гына булырга мөмкин. Исегезгә төшерәбез, Татарстанда көзге тавыш бирү 11-13 сентябрьдә уза. Шул ук вакытта бердәм тавыш бирү көне дәрәҗәсе якшәмбе, 13 сентябрьдә сакланган. Республикада бер үк вакытта дүрт сайлау кампаниясе уздырыла: ТР Президентын сайлаулар, җирле хакимият органнары депутатларын сайлаулар, шулай ук РФ Дәүләт Думасына һәм ТР Дәүләт Советына ике сайлау округы буенча өстәмә сайлаулар.  Андрей Кондратьев шулай ук мобиль һәм стационар тавыш бирүнең параллель эшендә барлыкка килә торган кыенлыкларны да шәрехләде. Әйтик, автобусларны таба алмаучылар байтак икән. Чөнки күп урыннарда автомобиль кую урыннары белән кыенлыклар килеп чыккан, шуңа бәйле рәвештә без автобуларны урнаштыру урыннарын үзгәртергә мәҗбүр булдык, диде Кондратьев. 

Исегезгә төшерәбез: 11 һәм 12 сентябрьдә Татарстан халкы йорт яны территорияләрендәге мобиль сайлау участокларында - торак йортлар ишегалларындагы һәм автобуслардагы чатырларда тавыш бирә алды. Шул ук вакытта мобиль участоклар эшләгән вакытта теге яки бу адреска беркетелгән стационар тавыш бирү пунктлары бүгеннән ябылачак.

Лилия ГАЙНУЛЛИНА

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: